________________
७४
आराहणापणगं (५) जे वि निसन्ना सिध्दा अहव निवण्णा ठिया व उस्सग्गे। उत्ताणय-पासेल्ला सब्वे वंदामि तिविहेणं ॥२६०||
निसि दियह पदोसे वा सिध्दा मज्झण्ह-गोसकाले वा। कालविवक्खोसिदा सव्वे वंदामि तिविहेणं ॥२६१||
जोव्वणसिध्दा बाला थेरा तह मज्झिमा य जे सिध्दा। दीवऽन्नदीवसिध्दा सवे तिविहेण वंदामि ॥२६२|| दिव्वावहारसिध्दा समुद्दसिध्दा गिरीसु जे सिध्दा | जे केइ भावसिध्दा सव्वे तिविहेण वंदामि ॥२६३|| जे जत्थ केइ सिध्दा काले खेते य दवभावे वा । ते सब्वे वंदे हं सिध्दे तिविहेण करणेणं ॥२६४||
सिद्धाण नमोक्कारो जइ लभई उवठिए मरणकाले। ता होइ सुगइमग्गो अन्ने सिध्दिं पि पावेंति ॥२६५|| सिद्धाण नमोक्कारो जइ कीरइ भावओ असंगेहिं । रुंभइ कुगईमग्गं सग्गं सिध्दिं च पावेइ ॥२६६|| सिध्दाण नमोक्कारं तम्हा सव्वायरेण काहामि | छेत्तूण मोहजालं सिध्दिपुरि जेण पावेमि ॥२६७||
