________________
યોગસાર પ્રકરણ/પ્રથમ પ્રસ્તાવ/સ્લોક-૪૬
ભાવાર્થ:
૫૩
સંસારનું ઉત્પત્તિસ્થાન રાગાદિરૂપ અવીતરાગભાવ છે અને વીતરાગભાવમાં ઉદ્યમ કરવાથી અવીતરાગભાવથી બંધાયેલાં કર્મોનો ક્ષય થાય છે. માટે જે પુરુષે પોતાનામાં વીતરાગભાવ પ્રગટ કર્યો છે તે પુરુષ જ આત્મા માટે ઉપાસ્ય દેવ છે, અન્ય કોઈ નહીં. આવા ઉપાસ્યદેવની ઉપાસના કરવાથી જ ભવનો ઉચ્છેદ થાય છે, માટે ભવિજીવોના ભવરૂપી પર્વતનો નાશ કરવા માટે ઇન્દ્રના વજ્ર સમાન વીતરાગ છે. વળી વીંતરાગનું આલંબન લઈ ઉપાસના કરવાથી જીવ સ્વયં વીતરાગ થાય છે તેથી વીતરાગદેવ ઉપાસકને સ્વ તુલ્ય પદવી આપનારા છે, માટે તે દેવ જ ઉપાસ્ય છે અન્ય નહીં તે પ્રમાણે બુદ્ધિમાન પુરુષોએ નિર્ણય કરવો જોઈએ. II૪૬]
પ્રથમ પ્રસ્તાવ સમાપ્ત
