________________
ગણાય. પાયાના એ ગુણે વિશ્વવ્યાપકરૂપે દર્શન થવાની ઉર્મિઓ અને તરંગને મનમાં જ સમાવી દેવા પડે છે. મારા એ અમને કયારે પૂર્ણ થશે? - વિષ વમતા વિકરાળ વિષય વિષધરના વિસ્ફોટક વિકારે અધઃપતનનો મહાહુતાશ પ્રજવલિત કર્યો છે, અને કાળમીંઢ ફૂર કષાય કૃપણે કાળો કેર પ્રવર્તાવી બળતામાં વ્રતની આ હૂતિ દેવાનું કાર્ય કરી મહાહતાશને વડવાનળ કે દાવાનળમાં પરિવર્તિત કરી સમગ્ર વિશ્વને ભડકે બળતું કરી દુષ્કાળમાં અધિક માસ જેવી પરિસ્થિતિ સજેલ છે. તેમાં પણ મહાઅજ્ઞાનના વિપરીત માર્ગદર્શન અનુસાર અતિદારુણ અટ્ટહાસ્યપૂર્વક તાંડવલીલાનૃત્ય કરતું મહામહરાજાનું પ્રવર્તી રહેલ મહાભયંકર કાળજાળ સામ્રાજ્ય એટલે તે પૂછવું જ શું? એ સામ્રાજ્ય અનન્ત મહાતારક શ્રી જિનશાસનને ઘેર ઉપહાસ કરી રહેલ છે. જિનશાસનના ઘેર અપમાનપૂર્વક અણછાજતા અડપલા કરવામાં અંશમાત્ર કચાશ રાખી નથી, અને હજી શી ખબર? જિનશાસન પ્રત્યે કેવા કેવા અભદ્ર ચેડા કરશે? એવા હૂડા અવસર્પિણ જેવા મહાભૂંડા કપરા કાળમાં ભરતક્ષેત્રમાં મારો જન્મ, કે જ્યાં નથી હાલમાં આપ જેવા સાક્ષાત્ અનન્ત મહાતારક તીર્થ કર પરમાત્મા, નથી ગણધર મહારાજા, નથી કેવળજ્ઞાની, નથી મન:પર્યય જ્ઞાની, નથી અવધિજ્ઞાની, નથી પૂર્વધર કે, વિશિષ્ટ કોટિના બહુશ્રુત.
હે નાથ! “કસ્ય બ્રવીમિ” ક્યાં અને કોની પાસે જઈને પિકાર કરું. આપના વિરહની વેદનાથી મારું મન સદા આકુળ વ્યાકુળ રહે છે. આપની અનન્ત મહાકારક પુણ્ય નિશ્રાને પામવા મનઃ નિરન્તર ઝરી રહ્યું છે, ઝંખી રહ્યું છે.
