________________
પાંચતિથિ એકાસણા અને દર વદ દશમે આયંબિલ કરવાનું પ્રાય: રોજ ૫૦૦ ગાથાનો સ્વાધ્યાય કરવાનો. એમના જીવનમાં આટલું તો સહજપણે વણાઈ ગયું છે. જે જાણીને કોઈને પણ આશ્ચર્ય થયા વગર ન રહે તેટલાં ગ્રંથો તેમણે કંઠસ્થ કર્યા છે.
શ્રીદશવૈકાલિક સૂત્ર સંપૂર્ણ (ચૂલિકા સહિત) જ્ઞાનસાર અષ્ટક (૩૨ અષ્ટક)
વીતરાગ સ્તોત્ર (૨૦ પ્રકાશ) અને ઉપદેશમાલા સંપૂર્ણ, પંચસૂત્ર તથા ચઉસરણપયન્ના - એમાં ઉપદેશમાલા એ તો એમનો અતિશય પ્રિયગ્રંથ, દિવસના મોટા ભાગના સમયમાં એ પુસ્તક એમના હાથમાં હોય જ. એની અર્થ વિચાર પૂર્વકની આવૃત્તિ તેઓ સતત કરતા રહે છે. અમે કરેલા નિશાન પ્રમાણે એ ગાથાના અંકને નોંધવાનું કામ તેમણે ક્યું છે. તેથી આના સંગ્રાહક : તરીકે એમના નામનો નિર્દેશ કર્યો છે.
આના અભ્યાસ તથા ચિંતન/મનનથી સૌ સાધક આત્માઓ હળુકર્મિતા કેળવી આસનસિદ્ધિપણાને પ્રાપ્ત કરે એજ એક મંગલ કામના. સં. ૨૦૬૪, જેઠવદિ-૧૦ જૈન તપાગચ્છ ઉપાશ્રય
:
સાન્તાક્રુઝ.
