________________
મંગલકામના ) શ્રી દેવગુરુચરણરજ આ. વિજય હેમચન્દ્રસૂરિ
પૂજ્યશ્રી ધર્મદાસગણિ મહારાજે રચેલ ઉપદેશમાલા એ શાસ્ત્ર નહિં પણ મહાશાસ્ત્ર છે. એના વચનને આગમવચન તુલ્ય માનવામાં આવે છે.
પૂજ્ય ઉપાધ્યાયજી મહારાજ જેવા સમર્થ વિદ્વાન્ મહાપુરુષે પોતાની રચનામાં કેટલીયે જગ્યાએ આધારગ્રંથ તરીકે આનો ઉલ્લેખ કર્યો છે. તેમજ બીજા પણ ઘણા વિદ્વાન પુરુષોએ પ્રમાણભૂત તરીકે ઉપદેશમાલાને સ્વીકારેલ છે.
ગમે તેવા આળસુને પણ આનું વાંચન/મનન ચાનક ચડાવી મોક્ષ સાધક અનુષ્ઠાનો કરવામાં તથા વત/તપ, જપમાં સક્રિય બનાવવાનું સામર્થ્ય ધરાવે છે.
હાથીને અંકુશ, ઘોડાને લગામ તથા બળદને નાથ જે કામ કરે તે કામ સાધુજીવનમાં આ ઉપદેશમાલા કરે છે.
આની એકાએક ગાથા ચેતનાને ઢંઢોળી આરાધનામાં આગેકદમ બઢાવવા માટે પ્રેરણારૂપ બને તેવી છે.
