________________
શ્રી લઘુક્ષેત્રસમાસાકરણમ नाणामणिमयदेहलि-कवाडपरिघाइदारसोहाहिं ।
जगईहि ते सव्वे, दीवोदहिणो परिक्खित्ता ॥१८॥
वरतिणतोरणज्झयछत्त-वाविपासायसेलसिलवट्टे ।
वेइवणे वरमंडव-गिहासणेसु रमंति सुरा ॥१९॥ इह अहिगारो जेसिं, सुराण देवीण ताणमुप्पत्ती।
नियदीवोदहिनाभे, असंखइमेसनयरीसु ॥२०॥ जंबूद्दीवो छहिं कुल-गिरिहिं सत्तहिं तहेव वासेहिं ।
पुव्वावरदीहेहिं, परिछिन्नो ते इमे कमसो ॥२१॥
हिमवंसिहरी महहिभ-वरुप्पिनिसढो य नीलवंतो य ।
बाहिरओ दुदुगिरिणा, उभओ वि सवेइया सव्वे ॥२२॥ भरहेरवय त्ति दुग, दुगं च हेमवयरण्णवयरुवं ।
हरिखासरम्मयदुर्ग, मज्झि विदेहु त्ति सग वासा ॥२३॥
दो दीहा चउ वट्टा, वेअडूढा खित्तछक्कमज्झम्मि ।
भेरू विदेहमझे, पमाणमित्तो कुलगिरीण ॥२४॥
इगदोचउसयउच्चा, कणगमया कणगरायया कमसो ।
तवणिज्जसुवेरुलिया, बहिमज्झभिंतरा दो दो ॥२५॥ दुग अड दुतीस अंका, लकूखगुणा कमेण नउअसयभइया ।
मूलोवरि समरूवं, वित्थारं बिति जुअल तिगे ॥ २६ ॥
पावणहिओ सहसा, बारकला बाहिराण वित्थारो।
मज्झिमगाण दसुत्तर-बायालसया दस कला य ॥२७॥
