________________
તે કાળના કાશીના ધુરંધર વિદ્વાન પંડિતોએ મળીને તેમને ન્યાયવિશારદનું બિરૂદ આપ્યું હતું.
તેઓશ્રીની કૃતિઓમાં તેમણે અમુક ગ્રંથો નામથી તો અમુક ગ્રંથો શ્લોક સમૂહોના પ્રકરણોની સંખ્યાસૂચક નામ દ્વારા જુદા પાડ્યા. દા.ત. અંતમાં રહસ્ય” શબ્દ આવે તેવા નયરહસ્ય, ઉપદેશરહસ્ય, પ્રમારહસ્ય, ભાષારહસ્ય વિગેરે.
તો અમુકમાં નામના અંતે “સાર' શબ્દ આવે તેવા જ્ઞાનસાર, અધ્યાત્મસાર આદિ. પરીક્ષા' શબ્દ અંતમાં આવે તેવા આધ્યાત્મિકમતપરીક્ષા, અધ્યાત્મમતપરીક્ષા, ધર્મપરીક્ષા ઇત્યાદિતો શ્લોક સંખ્યા સૂચક ષોડશક, વિશિકા વિગેરે.
યદ્યપિ અધ્યાત્મસાર ગ્રંથના પ્રત્યેક અધિકાર અને તેના પ્રત્યેક શ્લોકો જિજ્ઞાસુ અને મુમુક્ષુ માટે ચિંતન અને મનનીય છે...છતાં પણ સાત્વિક ચેતના અને તાત્વિક પ્રશાના સ્વામી ભવોદધિતારક પૂજ્યપાદ્ ગુરૂભગવંત આચાર્ય ભગવંત શ્રી અજિતયશસૂરીશ્વરજી મહારાજાએ અનુવાદિત કરેલા આ સંગૃહીત શ્લોકો પણ મહોપાધ્યાયજીની આ વિરાટ કૃતિને પુષ્પોની સુગંધને અત્તરમાં સંગૃહીત કરાયા તૂલ્ય છે, જેથી નિઃશંક અમૂલ્ય છે.
