________________
સર્વજ્ઞ શાસનના આવા અપૂર્વ પદાર્થોની રસલ્હાણ કરીને ધન્યતા અનુભવનારા, સ્યાદ્વાદ સુધાસ્રોતમાં નિમજ્જન કરી પરમતૃપ્ત બનનારા બનાવનારા મહામહોપાધ્યાયજીએ ઓગણીશમાં જિનમત સ્તુતિ અધિકારમાં જિનમતની સ્તુતિ કરી છે. સ્યાદ્વાદ રૂપી કલ્પતરૂની અહીં અનેકાનેક ઉપમાઓથી સ્તવના કરી છે, તો ષટ્કર્શનની ઉદ્ગમ ભૂમિ વિવિધ નયોનું એક સાથેનું પરસ્પર અવિરોધી સૌંદર્ય ધરાવતા જૈન દર્શનની જ અહીં એક માત્ર ઉપાદેયતા પણ દર્શાવી છે.
વીસમાં અનુભવસ્વરૂપાધિકારમાં ચિત્તની ક્ષિપ્ત વિક્ષિપ્તાદિ પાંચ અવસ્થાઓનું, નિરાલંબનયોગનું, બહિરાત્માઅંતરાત્મા અને પરમાત્મા એમ અવસ્થાત્રયનું સુંદર વર્ણનવ્યાખ્યા કર્યા છે. સૌથી વિશેષ તે આ અધિકારમાં છેલ્લા આઠેક શ્લોકમાં પૂજ્ય ઉપાધ્યાયજી ભગવંત તરફથી સાધકને મળેલી Short & Sweet But Super Hit હિતશિક્ષાઓ છે.
અંતિમ અધિકાર...મહામહોપાધ્યાય ન્યાયવિશારદ ન્યાયાચાર્ય શ્રી યશોવિજયજી મહારાજાની આ દુર્ગમ ગ્રંથસર્જન યાત્રાનો અંતિમ પડાવ એટલે સજ્જનસ્તુતિ અધિકાર સજ્જન જનની સ્તુતિ અને દુર્જન મનની મનઃસ્થિતિનું અહિં સ્પષ્ટ
