________________
પરંપરાના સમાધાનો અને સત્યોના દિગ્દર્શન આ ગ્રંથમાંથી આજે પણ મળે છે... એટલી સમૃદ્ધ ને સબળ ઉપાધ્યાયજી મ. ની આ કૃતિ છે. આ લઘુ અધ્યાત્મ સાર અનુવાદની.. સુંદર, વિદ્વત્તાપૂર્ણ અને રસાળ પ્રસ્તાવના આ લઘુ અધ્યાત્મ સારના દઢ સ્વાધ્યાયી મારા વિદ્વાન્ શિષ્ય મુનિરાજ શ્રી સંસ્કારયશવિજયજી એ લખી છે. પ્રાંતે આ ગ્રંથ એ અધ્યાત્મનો સાર છે... ને સંયમનો સાર સ્વાધ્યાય છે. સંયમના સાર સ્વાધ્યાય થી અધ્યાત્મ સારને ઘુંટનારને તેનો ય સાર સમતા પ્રાપ્ત થાય છે...જે. એને.. સમવસરણ અને સિદ્ધશિલા સુધી દોરી જાય છે... સર્વે જીવોને આ સર્વ પ્રાપ્ત થાય એજ ભાવનાથી અણુપરમાણું શિવ બની જાઓ.. આખા વિશ્વનું મંગલ થાઓ... સર્વે જીવો મોક્ષે જાઓ...
એ પ્રાર્થના સહ વિરમું છું. ગુરૂવિક્રમકૃપાકાંક્ષી વિજય અજિતયશસૂરિ
