________________
૩૫૬
6पहेशप : भाग-२
बहुवाणरमज्झगया, तव्वसहा असुइणो विलिंपंति । अप्पाणं अण्णेवि य, तहाविहो लोगहसणं च ॥८१९॥ विरलाणमलिंपणया, तदण्णखिंसा ण एयमसुइत्ति । सुविणोयं एयस्स उ, विवाग मो णवरि आयरिया ॥८२०॥ खीरतरुसुहछाया, तेसिमहो सीहपोयगा बहुगा । चिट्ठति संतरूवा, लोगपसंसा तहाहिगमो ॥४२१॥ ते सिंखडा उ पायं, सुणगा तरुवणलयत्ति पडिहासो। एसो सुमिणो दिट्ठो, फलमत्थं धम्मगच्छत्ति ॥८२२॥ धंखा वावीय तडे, विरला ते उण तिसाए अभिभूया । पुरओ मायासरदसणेण तह संपयटृति ॥८२३॥ केणइ कहणा णिसेहे, सहहणा पायसो गम विणासं । सुमिणो यं एयस्स उ, विवाग मो मूढधम्मरया ॥८२४॥ सीहो वणमज्झम्मी, अणेगसावयगणाउले विसमे । पंचत्तगओ चिट्ठइ, णय तं कोई विणासेइ ॥८२५॥ तत्तो कीडगभक्खणपायं उप्पायदट्ठमण्णेवि । सुमणोत्ति इमस्सत्थो, पवयणनिद्धंधसाईया ॥८२६ ॥ पउमागरा अपउमा, गद्दभगजुयाय चत्तणियरूवा । उक्कुरुडियाए पउमा, तत्थवि विरला तहारूवा ॥८२७॥ तेवि य जणपरिभूया, सकजणिप्पायगा ण पाएण । सुमिणसरूवं वीणणमिमस्स धम्मम्मि पच्चत्ता ॥८२८॥ बीएसु करिसगो कोइ दुव्वियड्डोत्ति जत्तओ किणइ । बीजेत्ति अबीजेवि य, पइरइय तहा अखित्तेसु ॥८२९॥ अवणेइय तं मझे, विरलं बीयं समागयंपीहं । सुमिणेत्ति इमस्सत्थो, विण्णेओ गमण पत्ताई ॥८३०॥
