________________
પ્રકાશકે
શ્રી ચારિત્રસુંદરગણિ વિરચિત આચારોપદેશ નામનો ગ્રંથ જ્યારે વાંચ્યો ત્યારે શ્રાવકસંબંધી ઉપદેશાત્મક ગ્રંથ ખૂબ ગમેલો અને મનમાં તે વખતે વિચાર આવેલો કે હાલમાં પ્રાયઃ શ્રાવકવર્ગ સંસ્કૃત આદિ ભાષાઓથી અજાણ છે છતાં આરાધનાપ્રેમી શ્રાવક વર્ગને શ્રાવકધર્મ સંબંધી ગ્રંથોનો અભ્યાસ વાંચન-પરિશીલન ગમતું હોય છે તેવા શ્રાવકોને આ ગ્રંથનું ભાષાંતર વાંચવાનો યોગ્ય પ્રાપ્ત થાય તો તેઓને જ્ઞાન થાય કે શ્રાવકધર્મ કેવી રીતે આરાધવો જોઈએ આવી મનની ભાવનાથી આ ગ્રંથના શ્લોકનું ગુજરાતી ભાષાંતર પંડિતવર્ય શ્રી અરવિંદભાઈ એસ. સંઘવી (રાધનપુર) ખૂબ ચીવટપૂર્વક કરેલું જેને તપાસીને આ ગ્રંથને પૂ.આ. શ્રી જિનપ્રભસૂરિ જૈન ગ્રંથમાળા પ્રગટ કરી રહી છે.
આ ગ્રંથ પૂજ્ય સાધુ ભગવંતોને પ્રાથમિક ભૂમિકામાં પ્રવચનમાં પણ ઉપયોગી થઈ શકે તેવો છે.
પૂ.આ.શ્રી જિનપ્રભસૂરિ જૈન ગ્રંથમાળા
નોંધ
આ ગ્રંથ જ્ઞાનખાતામાંથી પ્રગટ થયેલ હોવાથી શ્રાવકે કિંમત ચૂકવીને ઉપયોગ કરવો.
