________________
(३) हिमवंसिहरी महहिमव-रुप्पि णिसढो अ णीलवंतो अ। बाहिरओ दुदु गिरिणो, उभओ वि सवेइआ सब्वे ॥ २२॥ भरहेरवय त्ति दुगं, दुगं च हेमवयरण्णवयरूवं । हरिवासरम्मयदुर्ग, मज्झि विदेहु त्ति सग वासा ॥ २३ ॥ दो दीहा चउ वट्टा, वेअडा खित्तछक्कमज्झम्मि। मेरू विदेहमज्झे, पमाणमित्तो कुलगिरीणं ॥२४॥ इगदोचउसयउच्चा, कणगमया कणगरायया कमसो। तवणिजसुवेरुलिआ, बहिमज्झन्भितरा दो दो ॥२५॥ दुगअडदुतीस अंका, लक्खगुणा कमेण नउअसयभइआ। मूलोवरि समरूवं, वित्थारं बिंति जुअलतिगे ॥२६॥ बावण्णहिओ सहसो, बार कला बाहिराण वित्थारो। मज्झिमगाण दसुत्तर-बायालसया दस कला य ॥ २७ ॥ अभितराण दुकला, सोलसहस्सडसया सबायाला । चउचत्तसहस्स दो सय, दसुत्तरा दस कला सव्वे ॥ २८ ॥ इगचउसोलसंका, पुव्वुत्तविही अ खित्तजुअलतिगे। वित्थारं बिंति तहा, चउसट्टिको विदेहस्स ॥२९॥ पंच सया छब्बीसा, छच्च कला खित्तपढमजुअलम्मि । बीए इगवीससया, पणुत्तरा पंच य कला य ॥३०॥ चुलसीसय इगवीसा, इक्ककला तइअगे विदेहि पुणो । तित्तीससहस छसय, चुलसीआ तहा कला चउरो ॥ ३१ ॥ पणपन्नसहस सग सय, गुणणउआ णव कला सयलवासा। गिरिखित्तंकसमासे, जोअणलक्खं हवइ पुण्णं ॥३२॥ पण्णाससुद्ध बाहिर-खित्ते दलिअम्मि दुसय अडतीसा । तिण्णि य कला य एसो, खंडचउक्स्स विक्खंभो ॥ ३३ ॥
