________________
મુનિ અવસ્થાથી પ્રારંભી ગચ્છાધિપતિ અવસ્થા દરમ્યાન તેઓએ દરેક વિષયના સાહિત્યને સંગૃહીત કર્યુ. સુરક્ષિત રાખ્યું. જેનાં પ્રભાવે તેઓશ્રીની વિદ્યમાનતામાં અને તે પછી પણ અનેક ગ્રંથોનાં પ્રકાશન થયા, થઈ રહ્યા છે અને ભવિષ્યમાં પણ થશે.
પરમ ગુરુદેવનાં પ્રવચનોનો સંગ્રહ – સંરક્ષણના પ્રભાવે પૂજ્યશ્રીનાં પ્રવચનનાં અનેક પુસ્તકો પ્રકાશિત થયા. તે જ રીતે આ ગ્રંથ જે પ્રગટ થઈ રહ્યો છે તે પણ તેમનો પ્રભાવ છે. જો કે કાળ પાક્યા વિના કાર્ય થતું નથી. સંગૃહીત આ ગ્રંથને પ્રકાશિત કરવા માટે પ્રેરક બન્યા તેઓશ્રીજીનાં શિષ્યરત્ન મુનિરાજશ્રી વિનયભૂષણ વિજય.
અનામી રહીને આ ગ્રંથના પ્રુફ જોવામાં સાધ્વીજી ભગવંતોએ પણ સમયનો ભોગ આપેલ છે તો પ્રુફ સંશોધનમાં મુનિરાજશ્રી વિનયભૂષણવિજયનો સહકાર મળેલ છે. પ્રાકૃત સંસ્કૃત ગાથાની શુદ્ધિમાં મુનિરાજશ્રી રૈવતભૂષણવિજય તથા મુનિરાજશ્રી મોક્ષભૂષણવિજયનો સહકાર મળેલ છે. જ્યારે અન્ય કાર્યોમાં મુનિરાજશ્રી જ્ઞાનભૂષણવિજય તથા મુનિરાજશ્રી શ્રીચરણભૂષણવિજય અને મુનિરાજશ્રી સંયમભૂષણવિજયનો સહકાર મળેલ છે.
-
આ ગ્રંથરત્ન પ્રકાશનમાં પૂર્વભારતકલ્યાણક ભૂમિ તીર્થોદ્ધારક પૂજ્ય આચાર્ય ભગવંત શ્રીમન્ વિજયમુક્તિપ્રભસૂરીશ્વરજી મહારાજાનું અમૂલ્ય માર્ગદર્શન મળેલ છે. દીર્ઘસંયમી પૂ. મુનિરાજશ્રી દિવ્યભૂષણવિજયજી મહારાજની શુભ ભાવના ભળેલી છે. જિનાજ્ઞા આરાધક શ્વેતામ્બર મૂર્તિપૂજક સંઘે (મીઠાખળી - અમદાવાદ) જ્ઞાનદ્રવ્યના સદુપયોગ માટે આનો લાભ લીધો છે.
મુદ્રક રાજીવભાઈએ સુંદર પ્રિન્ટીંગ કરેલ છે અને સુ. મહેન્દ્રભાઈએ પરમ શ્રદ્ધેય પ્રકાશન વતી આનું પ્રકાશન કરેલ છે. આમ ઝાઝા હાથ રળિયામણાંના પ્રભાવે કાર્ય સંપન્ન થયેલ છે.
સંપાદન કાર્યનો અનુભવ ન હોવા છતાં શુભમાં યથાશક્તિ પ્રયત્ન કરવો જોઈએ એ ન્યાયે પ્રયત્ન કરેલ છે. આના સંપાદનમાં શિહોર જૈન સંઘ પ્રકાશિત પુસ્તક, ગીતાર્થ ગંગા પ્રકાશિત પુસ્તક અને સન્માર્ગ પ્રકાશિત પુસ્તક ઉપયોગી
બન્યા છે.
