________________
પર્યુષણ પર્વ દરમ્યાન પણ વિશિષ્ટ શૈલીનાં પ્રવચનોએ આરાધનામાં વેગ આવ્યો તો સહવર્તિ પરિવારે પણ બાળકોમાં સંસ્કાર સિંચનનું અદભુત કાર્ય કર્યું. જેના પ્રભાવે ૭ થી ૧૨ વર્ષની વયના ૧૧ બાળકોએ તે જ દિવાળીમાં અઢારીયાની આરાધના કરી.
સૌથી મહત્ત્વનું કાર્ય – આ ચાતુર્માસમાં પૂજ્યપાદ આચાર્ય ભગવંતે સૂરિમંત્રની પાંચે પ્રસ્થાનની અપ્રમત્તપણે આરાધના કરી. પૂજ્ય આચાર્ય ભગવંતે તપ-જાપ સહિત પ્રવચનની જવાબદારી સંભાળી. પંચ પ્રસ્થાન પૂર્ણાહુતિ ઉજવણીનો પણ સુંદર લાભ મળ્યો.
પૂજ્યપાદ આચાર્ય ભગવંતે કરેલી સૂરિમંત્ર પંચમસ્થાનની આરાધનાની તથા ચાતુર્માસમાં થયેલ અનુપમ આરાધનાની અનુમોદનાર્થે પૂજ્ય આચાર્ય ભગવંતનાં માર્ગદર્શનાનુસાર તે જ ચાતુર્માસમાં ઉત્પન્ન થયેલ જ્ઞાનદ્રવ્યની રાશિમાંથી આ ગ્રંથ પ્રકાશનનો લાભ લીધેલ છે.
આ, ગ્રંથમાં પઠન-પાઠન દ્વારા સૌ જ્ઞાનાવરણીય કર્મ ખપાવે એ જ શુભેચ્છા.
લિ. શ્રી જિનાજ્ઞા આરાધક જે. મૂ. જૈન સંઘ
મીઠાખળી, નવરંગપુરા,
અમદાવાદ-૬
