________________
प्रशमरति कालं क्षेत्रं मात्रां स्वात्म्यं द्रव्यगुरुलाघवं स्वबलम्। ज्ञात्वा योऽभ्यवहार्य भुंक्ते किं भेषजैस्तस्य ॥१३७॥
पिण्ड : शय्या वस्त्रैषणादि पात्रैषणादि यच्चान्यत्। कल्प्याकल्प्यं सद्धर्मदेहरक्षानिमित्तोक्तम्॥१३८॥
कल्प्याकल्प्यविधिज्ञ : संविग्नसहायको विनीतात्मा। दोषमलिनेऽपि लोके प्रविहरति मुनिर्निरुपलेप :॥१३९।।
यद्वत्पङ्काधारमपि पङ्कजं नोपलिप्यते तेन । धर्मोपकरणधृतवपुरपि साधुरलेपकस्तद्वत् ॥१४०।।
यद्वत्तुरग : सत्स्वप्याभरणविभूषणेष्वनभिषक्त:। तद्वदुपग्रहवानपि न सङ्गमुपयाति निम्रन्थ : ॥१४॥
ग्रन्थ : कर्माष्टविधं मिथ्यात्वाविरतिदुष्टयोगाश्च । तज्जयहेतोरशठं संयतते य : स निर्ग्रन्थ : ॥१४२।।
यज्ज्ञानशीलतपसामुपग्रहं निग्रहं च दोषाणाम्। कल्पयति निश्चये यत्तत्कल्प्यमकल्प्यमवशेषम् ॥१४३॥
