________________
42
प्रशमरति आदावत्यभ्युद्या मध्ये शृङ्गारहास्यदीप्तरसा : । निकषे विषया बीभत्सकरुणलज्जाभयप्राया : ॥१०६॥
यद्यपि निषेव्यमाणा मनस : परितुष्टिकारका विषया : । किंपाकफलादनवद्भवन्ति पश्चादतिदुरन्ता : ॥१०७।।
यद्वच्छाकाष्टादशमन्नं बहुभक्ष्यपेयवत्स्वादु । विषसंयुक्तं भुक्तं विपाककाले विनाशयति ॥१०८॥
तद्वदुपचारसंभृतरम्यकरागरससेविता विषया : । भवशतपरम्परास्वपि दु:खविपाकानुबन्धकरा : ॥१०९।।
अपि पश्यतां समक्षं नियतमनियतं पदे पदे मरणम्। येषां विषयेषु रतिर्भवति न तान्मानुषान्गणयेत् ॥११०॥
विषयपरिणामनियमो मनोऽनुकूलविषयेष्वनुप्रेक्ष्य : । द्विगुणोऽपि च नित्यमनुग्रहोऽनवद्यश्च संचिन्त्य : ॥१११॥
