________________
18
प्रशमरति मिष्टान्नपानमांसौदनादिमधुररसविषयगृद्धात्मा। गलयन्त्रपाशबद्धो मीन इव विनाशमुपयाति ॥४४॥
शयनासनसंबाधनसुरतस्नानानुलेपनासक्त:। स्पर्शव्याकुलितमतिर्गजेन्द्र इव बध्यते मूढ : ॥४५॥
एवमनेके दोषा : प्रणष्टशिष्टेष्टदृष्टिचेष्टानाम्। दुर्नियमितेन्द्रियाणां भवन्ति बाधाकरा बहुश: ॥४६॥
एकैकविषयसङ्गाद्रागद्वेषातुरा विनष्टास्ते। किं पुनरनियमितात्मा जीव : पञ्चेन्द्रियवशात : ॥४७॥
नहि सोऽस्तीन्द्रियविषयो येनाभ्यस्तेन नित्यतृषितानि । तृप्तिं प्राप्नुयुरक्षाण्यनेकमार्गप्रलीनानि ॥४८॥
कश्चिच्छुभोऽपि विषय : परिणामवशात्पुनर्भवत्यशुभ :। कश्चिदशुभोऽपि भूत्वा कालेन पुन : शुभीभवति ॥४९॥
