________________
10
प्रशमरति स क्रोधमानमायालोभैरतिदुर्जय : परामृष्ट :। प्राप्नोति याननर्थान् कस्तानुद्देष्टुमपि शक्त: ॥२४॥
क्रोधात्प्रीतिविनाशं मानाद् विनयोपघातमाप्नोति । शाठ्यात्प्रत्ययहानि सर्वगुणविनाशनं लोभात् ॥२५॥
क्रोध : परितापकर : सर्वस्योवेगकारक : क्रोध:। वैरानुषङ्गजनक : क्रोध : क्रोध : सुगतिहन्ता ॥२६॥
श्रुतशीलविनयसंदूषणस्य धर्मार्थकामविघ्नस्य । मानस्य कोऽवकाशं मुहूर्तमपि पण्डितो दद्यात् ॥२७॥
मायाशील : पुरुषो यद्यपि न करोति किंचिदपराधम्। सर्प इवाविश्वास्यो भवति तथाप्यात्मदोषहत : ॥२८॥
