________________
वाचकमुख्य-श्रीमद्-उमास्वाति विरचितं प्रशमरतिप्रकरणम् नाभेयाद्या : सिद्धार्थराजसूनुचरमाश्चरमदेहा:। पञ्चनवदश च दशविधधर्मविधिविदो जयन्ति जिना : ॥१॥
जिनसिद्धाचार्योपाध्यायान् प्रणिपत्य सर्वसाधूंश्च । प्रशमरतिस्थैर्यार्थं वक्ष्ये जिनशासनात्किंचित्॥२॥
यद्यप्यनन्तगमपर्ययार्थहेतुनयशब्दरत्नाढ्यम् । सर्वज्ञशासनपुरं प्रवेष्टुमबहुश्रुतैर्दु:खम्॥३॥
श्रुतबुद्धिविभवपरिहीणकस्तथाप्यहमशक्तिमविचिन्त्य । द्रमक इवावयवोञ्छकमन्वेष्टुं तत्प्रवेशेप्सुः॥४॥
बहुभिर्जिनवचनार्णवपारगतै : कविवृषैर्महामतिभि:। पूर्वमनेका : प्रथिता : प्रशमजननशास्त्रपद्धतय: ॥५॥
ताभ्यो विसृता : श्रुतवाक्पुलाकिका : प्रवचनाश्रिता : काश्चित् । पारम्पर्यादुच्छेषिका : कृपणकेन संहृत्य ॥६॥
