________________
प्रशमरत
एतेष्वध्यवसायो यो ऽर्थेषु विनिश्चयेन तत्त्वमिति । सम्यग्दर्शनमेतत्तु तन्निसर्गादधिगमाद्वा ||२२२||
शिक्षागमोपदेशश्रवणान्येकार्थिकान्यधिगमस्य । एकार्थ: परिणामो भवति निसर्ग : स्वभावश्च ।।२२३॥
एतत्सम्यग्दर्शनमनधिगमविपर्ययौ तु मिथ्यात्वम् । ज्ञानमथ पञ्चभेदं तत्प्रत्यक्षं परोक्षं च ॥ २२४॥
तत्र परोक्षं द्विविधं श्रुतमाभिनिबोधिकं च विज्ञेयम् । प्रत्यक्षं त्ववधिमन: पर्यायौ केवलं चेति ॥ २२५ ॥
एषामुत्तरभेदविषयादिभिर्भवति विस्तराधिगम: । एकादीन्येकस्मिन् भाज्यानि त्वाचतुर्भ्य इति ॥ २२६।।
90
