________________
પંડિતો દ્વારા અપાતી ૧૦૮ સમસ્યાઓની પૂર્તિ કરી વિદ્વાનોને પણ પ્રભાવિત કર્યા હતાં. આમ પૂજ્યશ્રીએ નૃપાદિને પ્રતિબોધ પમાડી જિનધર્મવાસિત કરી મહાન શાસનપ્રભાવના કરેલ.
અલબત્ત આ સિવાય તેમનાં જીવનવિષે તેમની રચનાઓ સિવાય કોઈ જ માહિતી સાપડતી નથી. પરંતુ તેઓશ્રીએ રચેલી કૃતિઓ દ્વારા દૃઢ નિશ્ચય થાય છે કે આચાર્યશ્રી અમરચન્દ્રસૂરિજી મહાન પ્રજ્ઞા પ્રતિભાનાં સ્વામી હશે. તેમણે રચેલી કેટલીક કૃતિઓ નીચે પ્રમાણે છે. તે ગ્રંથોનો પરિચય વિસ્તારમયથી અત્ર મોકુફ રાખી અવસરે આપવા ભાવના છે અલંકારપ્રબોધ, કલાકલાપ, કાવ્ય કલ્પલત્તા, છંદોરત્નાવલી, સ્વાદિશબ્દ સમુચ્ચય, બાલ ભારત, પદ્માનંદ મહાકાવ્ય, ચતુર્વિશતિ જિનેન્દ્ર સંક્ષિપ્ત ચરિત્રાદિ... આદિ..
આ પૈકીનાં ઘણાં ગ્રન્થો તો પ્રચૂરપાંડિત્યયુક્ત છે. રચના મનોહર અને આલ્હાદક છે. આચાર્યશ્રીની કેટલીક કૃતિઓ હજુ ઉપલબ્ધ થઈ નથી.
વાયદુવંશભૂષણ મંત્રી શ્રી પદ્મશ્રાવકની વિનંતીથી પૂજયશ્રીએ તીર્થકર દેવોનાં ચરિત્રને સંક્ષેપથી અને વિસ્તારથી રચેલાં છે. તેવો ઉલ્લેખ પૂજ્યશ્રીએ પોતે જ કરેલ છે. પરંતુ તે પ્રત્યેક શ્રી તીર્થકર દેવોનાં ચરિત્રો હજુ પ્રાપ્ત થયા નથી. માત્ર પદ્માનંદ મહાકાવ્યનાં નામાભિધાનથી શોભતા પ્રભુ શ્રી આદિનાથનું ચરિત્ર પ્રાપ્ત થાય છે. બાકીનાં ૨૩ તીર્થકર પ્રભુનાં ચરિત્રો અદ્યાવધિ મળ્યા નથી. આથી અનુમાન થઈ શકે કે કદાચ વિસ્તારથી ચરિત્રો રચવાની ભાવના પ્રદર્શિત કર્યા બાદ તે ચરિત્રો રચી શકે તેટલી કાયસ્થિતિ તેમની રહી ન હોય અને તે પૂર્વે જ સ્વર્ગે સીધાવી ગયા હોય. અથવા તો રચાયા બાદ કોઈ કારણસર તે ગ્રન્થ રચનાઓ નાશ
