________________
બે બેલ. શ્રીમદ્ અભયદેવસૂરિરચિત પંચનિર્ચથી પ્રકરણનું સરલ અને સ્પષ્ટ વિવેચન તૈયાર કરાવવાની ઈચ્છા તપોનિષ્ઠ શાંતમૂર્તિ પરમ પૂજ્ય આચાર્ય શ્રીમદ્ વિજય સિદ્ધિસુરીશ્વરજીની આજ્ઞાવતી સાધ્વી શ્રી હીરશ્રીજીની ઘણું વર્ષોથી હતી. પરંતુ કેટલાક સાધનોની પ્રતિકુળતાને લઈને તે કાર્ય કરાવવાની ઈચ્છા પાર પડી શકી ન હતી. તેજપ્રમાણે આ વર્ષે પણ તેમણે તેનું સરળ અને સ્પષ્ટ વિવેચન તૈયાર કરાવી આપવાનું શાંતમૂર્તિ આચાર્યવર્યશ્રીમદ્ દાનસુરીશ્વરજી મહારાજના પ્રશિષ્ય પં. જંબુવિજયજી મહારાજને વિનંતિ કરી,ને તેમણે તે ઉપયોગી કાર્ય જલદી સરસ અને સારી રીતે પારપડે તે આશયથી તેમણે મને સેપ્યું. પણ કાર્યની બહુલતાને લઈને ઘણુ અચોકકસ વખતમાં તેઓશ્રીની વારંવાર પ્રેરણાથી આ પુસ્તક આટલા વિલંબે પણ આ ગ્રન્થના ભાવને અનુસરનારા નિયોના ચરણકમળમાં મુકી શકવા ભાગ્યશાળી થયો છું. .
. તેમજ આ ગ્રન્થમાં દાખલ કરવામાં આવેલ મૂળગાથાઓ, તેનો સંસ્કૃત અનુવાદ ગુજરાતી અનુવાદ અને વિવેચન વિગેરે સર્વ તૈયારી કરી શાંતમૂર્તિ આચાર્ય વિર્ય શ્રીમદ્ વિજય દાનસુરીશ્વરજીના શિષ્ય શાંતમૂર્તિ ચારિત્ર ચડામણી ઉપાધ્યાય પ્રેમવિજયજી મહારાજને બતાવવામાં આવેલ છે. આથી આ ગ્રન્થમાં જે કાંઈ સુંદરતા આવી હોય તે તેઓને આભારી છે, તદુપરાંત આ ગ્રંથનું પ્રકાશન કાર્ય કરવામાં સાધ્વી શ્રી હીરશ્રીજીના ઉપદેશથી આથીક સહાય કરનાર છાણુના શેઠ નગીનદાસ ગરબડદાસ છે અથી તે સર્વનો હું આભાર માનું છું.
આ પુસ્તકને જેટલી બની તેટલી સાવચેતીથી સરસ બનાવવા યથાશકિત પ્રયત્ન કર્યો છે, છતાં પ્રમાદ, અજ્ઞાનતા, પ્રેતદોષ કે દ્રષ્ટિ દોષને લઈને અશુદ્ધિઓ, પિષ્ટપેષણ કે અસ્પષ્ટતા વિગેરે દોષો રહેવા પામ્યા હોય તે સર્વની સજજનો જરૂર ક્ષમા આપશે. .
" એજ તા. ૧૧-૯-૩૪ ગાંધી મફતલાલ ઝવેરચંદ. ભઠ્ઠીની બારી–અમદાવાદ.