Page Text
________________
[ ૨૮ ] કેટલીએક શાસ્ત્રવિરૂદ્ધ કરેલી પ્રરૂપણાઓ માટે સાગરે માફી માંગી મિચ્છામિદુક્કડં દીધો હતો. તેનો અપલાપ કરીને પાછો સાગરે “સર્વજ્ઞશતક' ગ્રંથ બનાવ્યો હતો. તે પણ શાસ્ત્રવિરૂદ્ધ હોવાથી વિજયસેનસૂરિએ તેમને દૂર કર્યા અને સર્વજ્ઞશતક ગ્રંથને અપ્રમાણ કર્યો તે સૌ કોઈ જાણે જ છે. માટે જહે કોઈ તે ગ્રંથને વાંચશે, વંચાવશે તેને ગુરૂની આણાબહાર ગણવામાં આવશે. વળી તે ગ્રંથના લીધે સાગરોને પણ દૂર કર્યા છે માટે તેઓને પણ કોઈએ આદર આપવો નહિ, અને કહે કોઈ તેઓની સાથે આહાર-પાણી કરશે અથવા કોઈ જાતનો વ્યવહાર રાખશે તે પણ ગચ્છથી અલગ જ સમજવામાં આવશે. વિજયદેવસૂરિએ તે સાગરોને ગ્રહણ કર્યા છે માટે તેમને પણ ગચ્છથી બહાર કરવામાં આવે છે..” ઇત્યાદિ.
(વિજયતિલકસૂરિ રાસ પૃ. ૬૨) કવિ દર્શનવિ.ની આ વાત અંગે પણ શંકા ઉઠાવતા મુનિરાજશ્રી વિદ્યાવિજયજી મહારાજ, પોતાના નિરીક્ષણ' શીર્ષક લેખમાં લખે છે કે-“અહિં એક વિચારવા જેવી બાબત ઉભી થાય છે. આપણે પહેલાં જોઈ ગયા છીએ કે-વિજયસેનસૂરિએ સં. ૧૬૭૨ના જેઠવદિ ૧૧ના દિવસે કાળ કર્યો હતો. જ્યારે રાસકાર લખે છે કે-“ચાર ઉપાધ્યાયોએ સં. ૧૬૭રના વૈશાખ સુદિ ૧૩ના દિવસે વિજયદેવસૂરિ સાથેનો સંબંધ બંધ કર્યાના દરેક ગામે પત્રો લખ્યો’ એ કેમ બની શકે? વૈશાખ મહીનામાં વિજયસેનસૂરિ વિદ્યમાન હતા, તે વખતે ચાર ઉપાધ્યાયો તેવી રીતનો ઠરાવ કરે અને પત્રો લખે એ સંભવિત જણાતું નથી. બનવા જોગ છે કે-“કદાચ રાસકારે મહીનો લખવામાં ભૂલ કરી હોય.” અસ્તુ” વિદ્યાવિ. મ.નો આ બચાવ લુલો છે અને રાસકાર પ્રતિ પક્ષપાતને જણાવનાર છે.) * સં. ૧૬૭૩ની સાલનો જહાંગીર બાદશાહની સભાનો સત્ય ઈતિહાસ છે
આ પ્રમાણે પૂ.આ.શ્રી વિજયસેનસૂરિજી મ.શ્રીની પાટે આવેલા પૂ. વિજયદેવસૂરિજી મ.ને રાસકારના કથન મુજબ “સાગરસમુદાય” તરફી હોવાના કારણે તેમને ગચ્છાધિપતિ પદેથી દૂર કરી દેવાની કાર્યવાહીના એક ભાગરૂપે આ પ્રમાણેના પત્રો લખ્યા પછી સં. ૧૬૭૩ની સાલમાં શીરોહી મુકામે પોલીસનો સખત બંદોબસ્ત રાખવાપૂર્વક પોતાના ગચ્છનાયક તરીકે ‘વિજયતિલકસૂરિ ને સ્થાપવાનું નિર્લજ્જ પગલું પણ ભરીને તે ઉપાધ્યાય જૂથના મોવડી અને માથાભારી એવા પૂ. મહો. શ્રીસોમવિજયજી મહારાજે ““કાયમને માટે સાગરસમુદાય, તેમના રચેલા ગ્રંથો અને તેમના પક્ષકાર બનેલા વર્તમાતગચ્છાધિપતિ પૂ.આ.શ્રી વિજયદેવસૂરિજી મહારાજ પણ અપમાનિત થાય અને ગ્રંથો
અપ્રમાણ' તરીકે જાહેર થાય” તે માટે પૂ. મહો. શ્રીભાનુચંદ્રગણિ અને શ્રી સિદ્ધિચંદ્રમણિને શણગારીને જહાંગીર બાદશાહ પાસે મોકલ્યા. તેમાંથી પૂ. મહો. શ્રી સિદ્ધિચંદ્રગણિએ પોતાનાથી આવર્જાયેલા બાદશાહ પાસે ફરીયાદ તરીકે–“પૂ. હીરસૂરિજી મહારાજની પાટે આવેલા પૂ. વિજયસેનસૂરિજી મહારાજે વિજયદેવસૂરિજીને પોતાની પાટે સ્થાપેલા છે પણ તે દેવસૂરિ, ગુરૂ મ.ના વચનોના લોપી હોઈને બહુ કલેશ કરતાં હોવાથી સાધુઓએ નવા આચાર્ય સ્થાપ્યા છે તો તેઓ હીરગુરૂના વચનો લોપતા અટકે તેવો આપ બંદોબસ્ત કરો. વળી સાગરોએ “સર્વજ્ઞશતક' નામનો ગ્રંથ બનાવી તેમાં જગદ્ગુરુને અને તેમના વારસદાર પૂ. સેનસૂરિજી મ.ને ભાંડ્યા છે. તે ગ્રંથમાં ઘણી ઘણી
| SR No. | 022027 |
| Book Title | Kupaksha Kaushik Sahasra Kiran Aparnam Pravachan Pariksha |
| Original Sutra Author | N/A |
| Author | Dharmsagar, Narendrasagarsuri, Munindrasagar, Mahabhadrasagar |
| Publisher | Shasankantakoddharsuri Jain Gyanmandir |
| Publication Year | 2002 |
| Total Pages | 502 |
| Language | Sanskrit, Gujarati |
| Classification | Book_Devnagari & Book_Gujarati |
| File Size | 16 MB |