________________
॥१४॥
चारित्रमनोरथमाला विच्छिन्नविसयवंछो, देहविभूसाइवज्जिओ कइआ। परिजुण्णमय(इ)लवत्थो, सामण्णगुणे धरिस्सामि ? ॥११॥ कइया कालविहाणं, काउं आयंबिलाइतवोकम्मं । कयजोगो जुग्गसुयं, अंगोवंगं पढिस्सामि ?
॥१२॥ कइया पकप्प-पणकप्प-कप्पववहारजीयकप्पाई। छेयसुयं सुयसारं, विसुद्धसद्धो पढिस्सामि ?
॥१३॥ सीलंगसंगसुभगो, अणंगभंगंमि विहियसंसग्गो। चंगसंवेगरंगो, कया रमिस्सामि निस्संगो ? परदूसणपरिमुक्को, अत्तुक्करिसंमि विमुहपरिणामो। दसविहसामायारी-पालणनिरओ कया होहं ?
॥१५॥ सहमाणो य परिसह-सिन्नं नीउच्चमज्झिमकुलेसुं । लद्धावलद्धवित्ती, अण्णायउँछं गवेसिस्सं
॥१६॥ रागद्दोसविउत्तो, संजोयणविरहिओ कया कज्जे । पन्नगबिलोवमाए, भुंजिस्सं सम्ममुवउत्तो? . ॥१७॥ सुत्तत्थपोरिसिपरो, जुत्तो य समत्तजीयकप्पेहिं । मासकप्पेण कया, विहरिस्सं उज्जुयविहारो ? ॥१८॥ परपरिवायविरत्तो, समचित्तो सत्तुमित्तसत्तेसु। कइया विगहारहिओ, सज्झायपरो भविस्सामि ? ॥१९॥ विलसंतअज्जुणगुणे, सुकुसुमबाणासणे फुरियकरुणे। विहरिस्सं धम्मवणे, बहुमयदमणे अहं कइया ? ॥२०॥ कइया विमलासोए, परागसुमणसवसेण कयमोए। धम्मारामे रम्मे, पयडियसम्मे रमिस्सामि ?
॥२१॥
