________________
Shri Mahavir Jain Aradhana Kendra
www.kobatirth.org
आयरणोवेक्खणेण य समज्जिणे १४ । अपरिमाणगुरुतुंगा, महंती घणनिरंतरा । पावरासी खयं गच्छे, जहा तं सव्वो बाहि( वा हिय ) मायरे ॥११०॥ आसवदारे निरंभित्ता, अप्पमादी भवे जया । बंधिमप्पं बहुं वेदे, जइ सम्मत्तं सुनिम्मलं ॥१॥ आसवदारे निरुंभेत्ता, आणं नो खंडए जया । दंसणनाणचरितेसुं, उज्जुत्तो जो दढं भवे ॥ २ ॥ तया वेए खणं बंधि, पोराणं सव्वं खवे । | अणुइण्णमवि उईरिता, निज्जियघोर परिसहो ॥३॥ आसवदारे, निरूंभित्ता, सव्वासायणविरहिओ । सज्झायज्झाणजोगेसुं, धीरवीर त्वे रओ ॥४॥ पालिजा संजमं कसिणं, वाया मणसा उ कम्मुणा । जया तया ण बंधिज्जा, उक्कोसमणंतं च निज्जरे ॥ ५ ॥ सव्वावस्सगभुज्जुत्तो, सव्वालंबणविरहिओ । विभुक्को सव्वसंगेहिं, सबज्झध्यंतरेहि य॥६॥ गयरागदोसमोहे य, निन्नियाणो भवे जया । नियत्तो विसयतत्तीए, भीए गम्भपरंपरा ॥७॥ आसवदारे निरुंभित्ता, खंतादी यमेवि संठिए । सुक्कज्झाणं समारुहिय, सेलेसिं पडिवज्जए ॥८ ॥ तया न बंधए किंचि, चिरबद्धं असेसंपि निद्दहियझाणजोगअग्गीए भसमीकरे दढं लहपंचक्खरुग्गिरणमित्तेण कालेण भवोवग्गाहियो ५ । एवं 'जीववीरियसामत्था, पारंपरएण गोयमा ! पविमुक्ककम्ममलकवया, समएणं जंति पाणिणो ॥ ९ ॥ सासयसोक्खमणाबाहं, रोगज़रमरणविरहियं । अंदिट्ठदुक्खदारिद्द, निच्चाणंद सिवालयं ॥१२०॥ अत्थेगे गोयमा ! पाणी, जे एयमणुपवेसिय। आसवदार निरोहादी, इयराहयसोक्खं चरे ॥१॥ ता जाव कसिणद्वकम्माणि, घोरतवसंजमेण उ णो णिद्दड्ढे सुहं ताव, नत्थि सिविणेऽवि पाणिणं ॥ २ ॥ दुक्खमेवभविस्सामं, सव्वेसिं जगजंतूणं । एक्कसमयं न समभावे, जं सम्मं ॥ श्री महानिशीथसूत्रं ॥
पू. सागरजी म. संशोधित
२५
Acharya Shri Kailassagarsuri Gyanmandir
For Private And Personal Use Only
