________________
Shri Mahavir Jain Aradhana Kendra
www.kobatirth.org
Acharya Shri Kalassagarsuri Gyanmandir
गोयमा! जाव णं महायसे महासत्ते महाणुभागे सिरिम्पभे अणगारे, से भगवं! केवइएणं कालेणं सिरिप्पभे अणगारे भवेजा?, गोयमा! होही दुरंतपंतलक्खणे अदट्ठव्वे रोद्दे चंडे पयंडे उग्गपयंडदंडे निम्मेरे निशिवे निग्धिणे नित्तिसे कूरयरपावभई अणारिए मिच्छहिट्ठी कक्की नाम रायाणे, से णं पावे पाहुडियं भमाडिउकामे सिरिसमणसंधं कयत्थेजा, जाव णं कयत्थेइ ताव णं गोयमा! जे केई तत्थ सीलड्ढे महाणुभागे अचलियसत्ते तवोहणे अणगारे तेसिं च पाडिहेरियं कुजा सोहम्मे कुसिलपाणी एरावणगामी सुरवरिंदे, एवं च गोयमा! देविंदवंदिए दिट्ठपच्चए । सिरिसमणसंधे गिद्विज्जा ॥ कुणए पासंडधमे, जाव णं गोयमा! एगे अबिइज्जे अहिंसा लक्खणखंतादिदसविहे धमे एगे अहा देवाहिदेवे एगे जिणालए एगे वंदे पूए दक्खे सक्कारे सम्माणे महायसे महासत्ते महाणुभागे दढसीलव्वयनियमधारए तवोहणे साहू, तत्थ णं चंदमिव सोमलेसे सूरिए इव तवतेयासी पुढवी इव परीसहोवसग्गसहे मेरुमंदरधरे इव निष्पकं ठिए अहिंसालक्खणखंतादिदसविहे घमे, से णं सुसमणगणपरिवुडे निरभगयणामलकोमुईजोगजुत्ते इव गहरिक्खपरियरिए गहवई चंदे अहिययरं विराइज्जा, गोयमा! से णं सिरिष्पभे अणगारे, तो गोयमा! एवतियं कालं जाव एसा आणा पवेइया ११६ से भयवं! उड्ढं पुच्छा, गोयमा! तओ परेण उड्ढं हायमाणे कालसमए, तत्थ णं जे केई छक्कायसमारंभविवज्जी से णं धने पुन्ने वंदे पूए नमंसणिज्जे सुजीवियं जीवियं तेसिं ११७ से भयवं! सामन्ने पुच्छ। जाव णं क्यासी?, गोयमा! अत्थेगे जे णं जोगे अत्थेगे जे णं नो जोगे, से भयवं! केण अटेण ॥ श्री महानिशीथसूत्रं ॥
पू. सागरजी म. संशोधित
For Private And Personal Use Only
