________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
उज्जुभावपरिणउ रागं दोसं च पयणु काऊणं । तिविहेण उद्धरिज्जा गुरुपामूले अगूहिंतो ॥ ९ ॥ नवि तं सत्थं च विसं च दुष्पउत्तुव्व कुणइ वेयालो । जंतंव दुप्पउत्तं सप्पुव्व पमाइणो कुद्धो ॥ ११०॥ जं कुणइ भावसलं अणुद्धियं उत्तमट्टकालम्मि। दुल्लहबोहीयत्तं अनंतसंसारियत्तं च ॥ १ ॥ तो उद्धरंति गारवर हिया मूलं पुणब्भवल्याणं । मिच्छादंसणसलं मायासल्लं नियाणं च ॥ २ ॥ रागेण व दोसेण व भएण हासेण तह पमाएणं। रोगेणायंकेण व वत्तीइ पराभिओगेणं ॥ ३ ॥ गिहिविज्जापडिएण व सपक्खपरधम्मिओवसग्गेणं । तिरियंजोणिगएण व दिव्वमणूसोवसग्गेणं ॥ ४ ॥ उवहीइ व नियडीड़ व तह सावयपेल्लिएण व परेणी अध्याण भएण कयं परस्स छंदाणुवत्तीए ॥ ५ ॥ सहसकारमणाभोगओ अ जं पवयणाहिगारेण । सन्निकरणे विसोही पुण्णागारो य पण्णत्तो ॥ ६ ॥ उज्जुअमालोइत्ता इत्तो | अकरणपरिणामजोगपरिसुद्धो । सो पयगुड़ पइकम्मं सुग्गइमग्गं अभिमुहेइ ॥ ७ ॥ उवहीनियडिपइट्ठो सोहिं जो कुणइ सोगईकामो माई पलिकुंचंतो करेइ बुंदुछियं मुढो ॥८॥ आलोयणाइदो से दस दोग्गड़बंधणे परिहरंतो । तम्हा आलोइज्जा मायं मुत्तूण निस्सेसं ॥ ९ ॥ जे मे जाणंति जिणा अवराहा जेसु जेसु ठाणेसु । ते तह आलोएमी उवडिओ सव्वभावेणं ॥ १२० ॥ एवं उवद्वियस्सवि आलोएउ विसुद्धभावस्स। जं किं चिवि विस्सरियं सहसक्कारेण वा चुक्कं ॥ १ ॥ आराहओ तहवि सो गारवपरिकं चुणामयविहूणो । जिणदेसियस्स धीरो सद्दहगों मुत्तिमग्गस्स ॥ २ ॥ आकंपण अणुभाणण जंदिट्टं बायरं च सुहुमं चो छन्नं सद्दाउलगं बहुजण अव्वत्त तस्सेवी ॥ ३ ॥ | आलोयणाइ दोसे दस दुग्गइवड्डणा पमुत्तूणं । आलोइज्ज सुविहिओ गारवमायामयविहूणो ॥ ४ ॥ तो परियागं च बलं आगम कालं च पू. सागरजी म. संशोधित
॥ श्री मरणसमाधि सूत्रं ॥
८
For Private And Personal Use Only
