________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
जोयणस्यसहस्सं छच्च अडयाले जोयणसए बावण्णं च एगसट्टिभाए जोयणस्स आयामविक्खंभेणं तिण्णि जोयणसयसहस्साइं । अट्ठारस य सहस्साइं दोण्णि य अउणासीए जोयणसए किंचिविसेसाहिए परिक्खेवेणं, एवं खलु एएणं उवाएणं पविसमाणे सूरिए तयणंतराओ मंडलाओ तयणंतरं मंडलं संकममाणे २ पंच २ जोयणाई पणतीसं च एगसट्टिभाए जोयणस्स एगमेगे मंडले विक्खं भवुद्धिं णिव्वुद्धेमाणे सव्वब्भं तरं अट्ठारस २ जोयणाई परिरयवुद्धिं णिव्वुड्डेमाणे सव्वब्भंतरं मंडलं उवसंकमित्ता चारं चरइ (१३३ । जया णं भंते! सूरिए सव्वमंतरं मंडलं उवसंकमित्ता चारं चरइ तथा णं एगमेगेणं मुहुत्तेणं केवइयं खेत्तं गच्छइ ?, गो० ! पंच २ जोयणसहस्साई दोण्णि य एगावण्णे जोयणसए एगूणतीसं च सट्ठिभाए जोयणस्स एगमेगेणं मुहुत्तेणं गच्छइ, तथा णं इहग्यस्स मणूसस्स सीयालीसाए जोयणसहस्सेहिं दोहि य तेवद्वेहिं जोयणसएहिं एगवीसाए य जोयणस्स सद्विभाएहिं सूरिए चक्खुप्फास हव्वमागच्छइ, से णिक्खममाणे सूरिए नवं संवच्छरं अयमाणे पढमंसि अहोरत्तंसि अभ्यंतराणंतरं मंडलं उवसंकमित्ता चारं चरड़, जया णं भंते ! सूरिए अब्यंतरानंतरं मंडलं उवसंकमित्ता चारं चरति तथा णं एगमेगेणं मुहुत्तेणं केवइयं खेत्तं गच्छइ ?, गो० ! पंच २ जोयणसहस्साइं दोण्णि य एगावण्णे जोयणसए सीआलीसं च सद्विभागे जोयणस्स एगमेगेणं मुहुत्तेणं गच्छइ, तथा णं इहगयस्स मणूसस्स सीआलीसाए जोयणसहस्सेहिं एगूणासीए जोयणसएण सत्तावण्णेणं च सद्विभाएहिं जोयणस्स सद्विभागं च एगसद्विधा छेत्ता एगूणवीसाए चुण्णिआभागेहिं सूरिए चक्खुफासं हव्वमागच्छइ, से णिक्खममाणे सूरिए दोच्चंसि अहोरत्तंसि अभ्यंतरतच्चं मंडलं उवसंकमित्ता चारं चरइ, जया णं भंते ! पू. सागरजी म. संशोधित
॥ श्री जंबूद्वीप प्रज्ञप्ति सूत्रं ॥
१७६
For Private And Personal Use Only
