________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
इणमो वयणं हिअसुहत्थं आणावइ णं भो सक्के तं चेव जाव अंतियं पाउब्भवह, तए णं ते देवा देवीओ य एयमढे सोच्चा हट्ठतु जाव|| हियया अपेगइया वंदणवत्तियं एवं पूअणवत्तियं सकारवत्तियं सम्माणवत्तियं दसणवत्तियं कोऊहलवत्तियं सक्कवयणं अणुवत्तमाणा अण्णमण्णं अणुवत्तमाणा जिणभत्तिरागेणं अपेगइया तं जीयमेयं एवमादित्तिकटु जाव पाउभवंति, तए णं से सक्के देविंदे देवराया ते विमाणिए देवे देवीओय अकालपरिहीणंचेव अंतियं पाउब्भवमाणे पासइत्ता हट्ठ० पालयंणामं आभिओगियं देवं सहावेइत्ता एवं वयासी खिप्पामेव भो देवाणुप्पिया ! अणेगखंभसयसण्णिविटुं लीलट्ठियसालभंजिआकलियंईहामिअउसमतुरगणरमगरविहगवालगकिण्णरुरुसरभचमरकुंजरवणलयपउमलयभत्तिचित्तं खंभुग्गयवइरवेइआभिरामं विजाहरजमलजुअलजंतजुत्तंपिव अच्चीसहस्समालिणीयं रू वगसहस्सक लियं भिसमाणं भिब्भिसमाणं चक्खुल्लोअणलेसं सुहफासं सस्सिरीयरूवं घंटावलिअचलियमहरमणहरसरं सुहं वन्तं दरिसणिज णिउणोविअमिसिमिसिंतमणिरयणघंटिआजालपरिस्वित्तं जोयणसयसहस्सविच्छिण्णं पञ्चजोयणसयमुव्विद्धं सिग्घं तुरियं जइण णिव्वाहिं दिव्वं जाणविमाणं विउव्वाहि त्ता एयमाणत्तियं पच्चप्पिणाहि ।११६१ तए णं से पालयदेवे सक्केणं देविदेणं देवरण्णा एवं वुत्ते समाणे हद्वतु जाव वेविअसमुग्धाएणं समोहणइत्ता तहेव करेइ, तस्स णं दिव्वस्स जाणविमाणस्स तिदिसिं तओ तिसोवाणपडिरूवगा वण्णाओ, तेसिं णं तिसोवाणपडिरूवाणं पुरओ पत्तेअं२ तोरणा वण्णओ जाव पडिरूवा, तस्सणंजाणविमाणस्स अंतो बहुसभरमणिजे भूमिभागे से जहानाभए आलिंगपुक्खरेइ वा | ॥श्री जंबूद्वीप प्रज्ञप्ति सूत्र।
पू. सागरजी म. संशोधित
For Private And Personal Use Only
