________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
उच्चत्तविक्खंभपरिक्खेवो पुव्वं वण्णिओ रायहाणी य सच्चेव इहंपि णेयव्वा, से केणद्वेणं भंते! एवं वच्चइ णिसहे वासहरपव्वए २२., गो० ! णिसहे णं वासहरपव्वए बहवे कूडा णिसहसंवगणसंठिया उसभसंगणसंठिया, णिसहे य इत्थ देवे महिद्धीए जाव पलिओवमठिइए परिवसइ, से तेणट्टेणं गो० ! एवं वुच्चइ णिसहे वासहरपव्वए २ ॥ ८५ ॥ कहिं णं भंते! जंबुद्दीवे दीवे महाविदेहे णामं वासे पं० ?, गो० ! णीलवंतस्स वासहरपव्वयस्स दक्खिणेणं णिसहस्स वासहरपव्वयस्स उत्तरेणं पुरत्थिमलवणसमुद्दस्स पच्चत्थिमेणं पच्चत्थिमलवणसमुद्दस्स | पुरत्थिमेणं एत्थं णं जंबुद्दीवे महाविदेहे णामं वासे पं० पाईणपडीणायए उदीणदाहिणविच्छिण्णे पलिअंकसंठाणसंठिए दुहा लवणसमुद्द पुढे पुरस्थिमजावपुट्ठे पुरत्थिम जाव पुढे पच्चत्थिमिलाए कोडीए पच्चत्थिमिल्लं जाव पुढे तित्तीसं जोअणसहस्साइं छच्च चुलसीए जोअणसए चत्तारि य एगूणवीसइभाए जोअणस्स विक्खंभेणं, तस्स बाहा पुरत्थिमपच्चत्थिमेणं तेत्तीसं जोअणसहस्साई सत्त य सत्तसट्टे जोअणसए सत्त य एगूणवीसइभाए जोअणस्स आयामेणं, तस्स जीवा बहुमज्झदेसभाए पाईणपडीणायया दुहा लवणसमुद्द पुट्ठा पुरथिमिल्लाए कोडीए पुरथिमिल्लं जाव पुट्ठा एवं पच्चत्थिमिल्लाए जाव पुट्ठा एवं जोयणसयसहस्सं आयामेणं, तस्स धणुं उभओ पासिं उत्तरदाहिणेणं एगं जोयणसयसहस्सं अट्ठावण्णं च जोअणसहस्साइं एगं च तेरसुत्तरं जोअणसयं सोलस य एगूणवीसइभागे जोयणस्स किंचिविसेसाहिए परिक्खेवेणं, महाविदेहे णं वासे चउव्विहे चउप्पडोआरे पं० तं०- पुव्वविदेहे अवरविदेहे देवकुरा उत्तरकुरा, महाविदेहस्स णं वासस्स भंते! केरिसए आगार भावपडोआरे पं०?, गो० ! बहुसमरमणिजे भूमिभागे पं० जाव कित्तिमेहिं चेव अकित्तिमेहिं पू. सागरजी म. संशोधित
॥ श्री जंबूद्वीप प्रज्ञप्ति सूत्रं ॥
१०९
For Private And Personal Use Only
