________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
|आयामेणं दो जोअणसहस्साई विक्खम्भेणं दस जोअणाई उव्वेहेणं अच्छे सण्हे० श्ययामयकूले, तस्स णं तिगिछिद्दहस्स चउद्दिसिं|| चत्तारि तिसोवाणपडिरूवगा पं० एवं जाव आयामविक्खम्भविहूणा जा चेव महापउमद्दहस्स वत्तव्वया सा चेव तिगिछिद्दहस्सवि वत्तव्वया, एउमहहप्पमाणं अट्ठो जाव तिगिंछिवण्णाई, धिई य इत्य् देवी पलिओवाढिइआ परिवसइ, से तेणटेणं गो०! एवं वुच्चइ तिगिंछिद्दहे २॥८४॥ तस्सणं तिगिंछिद्दहस्स दक्खिणिल्लेणं तोरणेणं हरी महाणई पवूढा समाणी सत्त जोयणसहस्साइं चत्तारिय एकवीसे जोयणसए एगं च एगूणवीसहभागं जोयणस्स दाहिणाभिमुह। पव्वएणं गंता महया घडमुह पवित्तिएणं जाव साइरेगचउजोअणसइएणं पवाएणं पवडइ, एवं जा चेव हरिकन्ताए वत्तव्वया सा चेव हरिएविणेअव्वा, जिभिआए कुंडस्स दीवस्स/ भवणस्स तं चेव पमाणं, अट्ठोऽवि भाणिअव्वो जाव अहे जगई दालइत्ता छप्पण्णाए सलिलासहस्सेहिं समग्गा पुरथिम लवणसमुदं समध्येइ तं चेव पवहे य मुहमूले य पमाणं उव्वेहो य जो हरिकन्ताए जाव वणसंडसंपरिक्खित्ता, तस्स णं तिगिंछिद्दहस्स उत्तरिलेणं तोरणेणं सीओआ महाणई पवूढा समाणी सत्त जोयणसहस्साई चत्तारि य एगवीसे जोयणसए एगंच एगूणवीसइभागं जोयणस्स उत्तराभिमुही पव्वएणं गंता महया घडमुहपवित्तिएणं जाव साइरेगचउजोअणसइएणं पवाएणं पवडइ, सीओआ णं महाणई जओ पवडइ एत्थ णं महं एगा जिब्भिआ पं० चत्तारि जोयणाई आयामेणं पण्णासं जोअणाई विक्खम्भेणं जोअणं बाहल्लेणं मगरमुहविउट्ठसंठाणसंठिआ सव्ववइरामई अच्छा०, सीओआ णं महाणई जहिं पवडइ एत्थ णं महं एगे सीओयप्पवायकुण्डे णाम |॥श्री जंबूद्वीप प्रज्ञप्ति सूत्र॥
पू. सागरजी म. संशोधित
For Private And Personal Use Only
