________________
Shri Mahavir Jain Aradhana Kendra
www.kobatirth.org
अस्सिणी णक्खत्ते जोएति, उवकुलं जोएमाणे रेवतिणक्खत्ते जोएति, आसोई णं पुण्णिमं च कुलं वा उवकुलं वा जोएति कुलेण वा जुत्ता उवकुलेण वा जुत्ता अस्सोदिणी पुण्णिमा जुत्तत्ति वत्तव्वं सिया, एवं णेतव्वाउ (प्र० जाव आसाठी पुन्त्रमासिणी जुत्तत्ति वत्तव्वं सिया) पोसं पुण्णमं जेट्ठामूलं पुण्णमं च कुलोवकुलंपि जोएति, अवसेसासु णत्थि कुलोवकुलं, ता सावठि णं अमावासं कति णक्खत्ता जोएंति?, दुन्नि नक्खत्ता जोएंति, तं०-अस्सेसा य महा य, एवं एतेणं अभिलावेणं णेतव्वं, पोट्टवती दोन्नि णक्खत्ता जोएंति, तं - पुव्वाफग्गुणी उत्तराफग्गुणी, अस्सोई हत्थो चित्ता य, कत्तिई साती विसाहा य, मगसिरं अणुराधा जेट्ठामूलो, पोसिं पुव्वासाठा उत्तरासाढा, माहिं अभीयी सवणो धणिट्ठा, फग्गुणीं सतभिसया पुव्वापोट्टवता उत्तरापोट्ठवता, चेत्तिं रेवती अस्सिणी य, विसाहिं भरणी कत्तिया य, जेट्ठामूलिं रोहिणी मगसिरं च, ता आसादिं णं अमावासिं कति णक्खत्ता जोएंति?, ता तिन्नि नक्खत्ता जोएंति, तं०-अद्दा पुणव्वसू पुस्सो, ता साविट्ठि णं अमावासं किं कुलं वा जोएति उवकुलं वा जोएति कुलोवकुलं वा जोएइ ?, कुलं वा जोएइ उवकुलं वा जोएइ नो लब्भइ कुलोवकुलं, कुलं जोएमाणे महाणक्खत्ते जोएति, उवकुलं जोएमाणे असिलेसा जोएइ, कुलेण वा जुत्ता उवकुलेण वा जुत्ता साविट्ठी अमावासा जुत्ताति वत्तव्वं सिया, एवं णेतव्वं णवरं मग्गसिराए माहीए फग्गुणीए आसाढीए य् अमावासाए कुलोवकुलंपि जोएति, सेसासु णत्थि । ३९ ॥ १०-६॥
ता कहं ते सण्णवाते आहि०?, ता जया णं साविट्ठी पुण्णिमा भवति तता णं माही अमावासा भवति जया णं माही पुण्णिमा ॥ श्री सूर्यप्रज्ञप्त्युपाङ्गम् ॥
पू. सागरजी म. संशोधित
し
Acharya Shri Kailashsagarsuri Gyanmandir
For Private And Personal
