________________
Shri Mahavir Jain Aradhana Kendra
www.kobatirth.org
णिव्वेढेति, तत्थ जे ते एवमाहंसु ता मंडलातो मंडलं संकममाणे भेयघाएणं संकमइ तेसिं णं अयं दोसे-ता जेणंतरेणं मंडलातो मंडलं संकममाणे २ सूरिए भेयघाएणं संकमति एवतियं च णं अद्धं पुरतो न गच्छति, पुरतो अगच्छमाणे मंडलकालं परिहवेति, तेसिं गं अयं दोसे, तत्थ जे ते एवमाहंसु-ता मंडलातो मंडलं संकममाणे सूरिए कण्णकलं णिव्वेढेति तेसिं णं अयं विसेसेता जेणंतरेणं मंडलातो मंडलं संकममाणे सूरिए कण्णकलं णिव्वेढेति एवतियं च णं अद्धं पुरतो गच्छति पुरतो गच्छमाणे मंडलकालं णं परिहवेति तेसिं णं अयं विसेसे, तत्थ जे ते एवमाहंसु मंडलातो मंडलं संकममाणे सूरिए कण्णकलं णिव्वेढेति एतेणं णएणं णेतव्वं, णो चेव णं इतरेणं ॥ २२ ॥२- २॥
Acharya Shri Kailashsagarsuri Gyanmandir
ता केवतियं ते खेत्तं सूरिए एगमेगेणं मुहुत्तेणं गच्छति आहि० ?, तत्थ खलु इमातो चत्तारि पडिवत्तीओ पं०, तत्थ एगे० -- ता छ छ जोयणसहस्साइं सूरिए एगमेगेणं मुहुत्तेण गच्छति एगे०, एगे पुण०-ता पंच पंच जोयणसहस्साइं सूरिए एगमेगेणं मुहुत्तेणं गच्छति एगे एव०, एगे पुण० - ता चत्तारि २ जोयणसहस्साइं सूरिए एगमेगेणं मुहुत्तेणं गच्छति एगे०, एगे पुण०-ता छवि पंचवि चत्तारिवि जोयणसहस्साइं सूरिए एगमेगेणं मुहुत्तेणं गच्छति एगे०, तत्थ जे ते एवमाहंसु ता छ छ जोयणसहस्साइं सूरिए एगमेगेणं मुहुत्तेणं गच्छति ते एव० - जता णं सूरिए सव्वब्यंतरं मंडलं उवसंकभित्ता चारं चरति तथा णं उत्तमकट्टपत्ते उक्कोसे अट्ठारसमुहुत्ते दिवसे भवति जहण्णिया दुवालसमुहुत्ता राई भवति, तंसिं च णं दिवसंसि एगं जोयणसतसहस्सं अट्ठ य जोयणसहस्साइं तावक्खेत्ते ॥ श्री सूर्यप्रज्ञप्त्युपाङ्गम् ॥
पू. सागरजी म. संशोधित
२३
For Private And Personal
