________________
Shri Mahavir Jain Aradhana Kendra
www.kobatirth.org
विहरति, भूयाणंदे एत्थ नागकुमारिंदे नागकुमारराया परिवसइ महिड्ढीए जाव पभासेमाणे, से णं तत्थ चत्तालीसाए भवणावाससयसहस्साणं आहेवच्चं जाव विहरड़, कहिं णं भंते! सुवन्नकुमाराणं देवाणं पज्जत्तापज्जत्ताणं ठाणा पं० कहिं णं भंते! सुवन्नकुमारा देवा परिवसंति?, गो० ! इमीसे रयणम्पभाए पुढवीए जाव एत्थ णं सुवन्नकुमाराणं देवाणं बावत्तरि | भवणावासस्यसहस्सा भवन्तीतिभक्खायं, ते णं भवणा बाहिं वट्टा जाव पडिरुवा, तत्थ णं सुवन्नकुमाराणं देवाणं पज्जत्तापज्जत्ताणं ठाणा पं०, जाव तिसुवि लोगस्स असंखेज्जइभागे, तत्थ णं बहवे सुवन्नकुमारा देवा परिवसंति महिड्ढिया सेसं जहा ओहियाणं | जाव विहरंति, वेणुदेवे वेणुदाली य इत्थ दुवे सुवण्णकुमारिदा सुवण्णकुमाररायाणो परिवसंति महड्ढिया जाव विहरंति, कहिं णं भंते! दाहिणिल्लाणं सुवण्णकुमाराणं पज्जत्तापजत्ताणं ठाणा पं० कहिं णं भंते! दाहिणिल्ला सुवण्णकुमारा देवा परिवसंति?, गो० ! इमीसे जाव मज्झे अट्ठहुत्तरे जोयणसयसहस्से एत्थ णं दाहिणिल्लाणं सुवण्णकुमाराणं अट्ठत्तीसं भवणावाससयसहस्सा भवन्तीतिभक्खायं, ते णं भवणा बाहिं वट्टा जाव पडिरूवा, एत्थ णं दाहिणिल्लाणं सुवण्णकुमाराणं पज्जत्तापजत्ताणं ठगणा० तिसुवि लोगस्स असंखेज्जइभागे, एत्थ णं बहवे सुवण्णकुमारा देवा परिवसंति, वेणुदेवे य इत्थ सुवण्णकुमारिंदे सुवण्णकुमार राया परिवसइ, सेसं जहा नागकुमाराणं, कहिं णं भंते! उत्तरिल्लाणं सुवण्णकुमाराणं देवाणं पज्जत्तापजत्ताणं ठाणा पं० कहिं णं भंते! उत्तरिल्ला सुवण्णकुमारा देवा परिवसंति?, गो० ! इमीसे रयणम्पभाए जाव एत्थ णं उत्तरिल्लाणं सुवण्णकुमाराणं चउतीसं ॥ श्री प्रज्ञापनोपांगम् ॥
पू. सागरजी म. संशोधित
४८
Acharya Shri Kailassagarsuri Gyanmandir
For Private And Personal Use Only
