________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
वाससहस्साणं आहारटे समुप्पज्जति ३०७। नेरइया णं भंते! किं एगिदियसरीरराइं आहारेंति जाव पंचिंदियसरीराइं०? गो०! | पुव्वभावपण्णवणं पडुच्च एंगिदियसरीराइपि आहारेंति जाव पंचिंदिय०, पडुप्पण्णभावपण्णवणं पडुच्च नियमा पंचिंदियसरीराति आ०, एवं जाव थणियकुमारा, पुढवीकाइयाणं पुच्छा, गो०! पुन्वभावपण्णवणं पडुच्च एवं चेव, पडुप्पण्णभावपण्णवणं पडुच्च नियमा एगिंदियसरीराति, बेइंदिया पुव्वभावपण्णवणं पडुच्च् एवं चेव, पडुप्पण्णभावपण्णवणं पडुच्च नियमा बेइंदियाणं सरीरातिं आ०, एवं जाव चरिंदिया ताव पुब्वभावपण्णवणं पडुच्च एवं पडुप्पण्णभावपण्णवणं पडुच्च नियमा जस्स जति इंदियाई तेइंदियसरीराई ते आहारेंति, सेसा जहा नेरइया जाव वेमाणिता, नेरइया णं भंते! किं लोमाहारा पक्खेवाहारा?, गो०! लोमाहारा नो पक्खेवाहारा, एवं एगिदिया सव्वे भाणितव्वा, बेइंदि० जाव मणूसा लोमाहारावि पक्खेवाहारावि १३०८ नेरइया णं भंते! किं ओयाहारा मणभक्खी?, गो० ओयाहाराणो मणभक्खी, एवं सव्वे ओरालियसरीरा, देवा सव्वेवि जाव वेमाणिया ओयाहारावि ||मणभक्खीवि, तत्थ णं जे ते मणभक्खी देवा तेसिं णं इच्छामणे समुप्पज्जति इच्छामो णं मणभक्खणं करित्तते, तते णं तेहिं देवेहिं एवं मणसीकते समाणे खियामेव जे पोग्गला इट्ठा कंता जाव मणामा ते तेसिं मणभक्खत्ताए परिणमंति से जहानामए सीया पोग्गला सीयं पथ्य सीयं चेव अतिवतित्ताणं चिट्ठति उसिणा वा पोग्गला उसिणं ५५ उसिणं चेव अइवइत्ताणं चिट्ठति एवामेव तेहिं देवेहिं मणभक्खणे कए समाणे से इच्छामणे खिय्यामेव अवेति ।३०९। आहारपयं २८ ३० १॥ ॥ श्री प्रज्ञापनोपांगम् ॥
पू. सागरजी म. संशोधित
For Private And Personal Use Only
