________________
Shri Mahavir Jain Aradhana Kendra
www. kobatirth.org
सायावेदणिज्जस्स जहा ओहिया विती भणिता तहेव भाणितव्वा ईरियावहियबंधयं पडुच्च संपराइयबंधयं च, असायावेयणिज्जस्स जहा णिद्दापंचगस्स, सम्मत्तवेदणिजस्स सम्मामिच्छत्तवेदणिज्जस्स जा ओहिया ठिती भणिता तं बंधंति, मिच्छावेदणिजस्स जह० अंतोसागरोवमकोडाकोडीओ उक्को० सत्तरि सागरोवमकोडाकोडीओ सत्तरि य वाससहस्साई अबाहा०, कसायबारसगस्स जह० एवं चेव उक्को० चत्तालीसं सागरोवमकोडाकोडीओ चत्तालीस य वासस्यातिं अबाहा० कोहमाणमायालोभसंजलणाए य दो मासा मासो अद्धमासो अंतोमुहत्तो, एवं जहन्नगं, उक्कोसगं पुण जहा कसायबारसगस्स, चउण्हवि आउयाणं जा ओहिया ठिती भणिता तं बंधंति, आहारगसरीरस्स तित्थगरनामाए य जह० अंतोसागरोवमकोडाकोडीतो उक्को० अंतोसागरोवमकोडाकोडीओ, पुरिसवेदणिज्जस्स जह० अट्ठ संवच्छराई उक्को० दस सागरोवमकोडाकोडीओ दस य वाससयाई अबाहा०, जसोकित्तिणामाए उच्चागोत्तस्स एवं चेव, नवरं जह० अट्ठ मुहुत्ता, अंतराइयस्स जहा णाणावरणिजस्स, सेसएस सव्वेस ठाणेसु संघयणेसु संठाणेसु वण्णेसु गंधेसु य जह० अंतोसागरोवमकोडाकोडीओ उक्को० जा जस्स ओहिया विती भणिता तं बंधंति णवरं इमं नाणत्तं अबाहा अबाहूणिया० ण वुच्चति, एवं आणुपुव्वीते सव्वेसिं, जाव अंतरायस्स ताव भाणितव्वं । २९७ । णाणावरणिजस्स णं भंते! कम्मस्स जहण्णद्वितिबंधए के रिसए?, गो० ! अण्णयरे सुहुमसंपरायते उवसामए वा खवगे वा एस णं गो० ! णाणावरणिजस्स कम्मस्स जहण्णयवितीबंधते, तव्वइरित्ते अजहण्णे, एवं एएणं अभिलावेणं मोहाउयवज्जाणं सेसकम्माणं भाणितव्वं, मोहणिजस्स ॥ श्री प्रज्ञापनोपांगम् ॥
पू. सागरजी म. संशोधित
३०२
Acharya Shri Kailassagarsuri Gyanmandir
For Private And Personal Use Only
