________________
Shri Mahavir Jain Aradhana Kendra
www. kobatirth.org
मिच्छत्तवेदणिज्जस्स जह० सागरोवमसहस्सं पलितोवमासंखेज्जतिभागेणं ऊणयं उक्को० तं चेव पडिपुण्णं, नेरइयाउयस्स जह० दस वाससहस्साइं अंतोमुहुत्तमम्भहियाई उक्को० पलितोवमस्स असंखेज्जतिभागं पुव्वकोडितिभागम्भहियं बंधंति, एवं तिरिक्खजोणियाउयस्सवि णवरं जह० अंतो० मणुयाउयस्सवि, देवाउयस्स जहा नेरइयाउयस्स, असण्णी णं भंते! जीवा पंचिंदिया निरयगतिनामाए कम्मस्स किं बंधंति ?, गो० ! जह० सागरोवमसहस्सस्स दो सत्तभागे पलितोवमस्स असंखेज्जतिभागेणं ऊणए उक्को० ते चेव पडिपुण्णे, एवं तिरियगतीतेवि, मणुयगतिनामाएवि एवं चेव णवरं जह० सागरोवमसहस्सस्स दिवढं सत्तभागं पलितोवमस्सासंखेज्जइ भागेण ऊणं उक्को० तं चेव पडिपुण्णं बंधंति, एवं देवगतिनामाए नवरं जह० सागरोवमसहस्सस्स एवं सत्तभागं | पलि ओवमस्सासंखे० ऊणं उक्को० तं चेव पडिपुण्णं, वेउव्वियसरीरनामाए पुच्छा, गो० ! जह० सागरोवमसहस्सस्स दो सत्तभागे पलितोवमस्सासंखेज्जतिभागेण ऊणे उक्को० दो पडिपुणे बंधंति, सम्मत्तसम्मामिच्छत्त आहारगसरीरनामाते तित्थगरनामाए यण किंचि बंधंति, अवसिद्धं जहा बेइंदियाणं, णवरं जस्स जत्तिया भागा तस्स ते सागरोवमसहस्त्रेण सह भाणितव्वा, सव्वेसिं आणुपुवीए जाव अंतराइयस्स. सण्णी णं भंते! जीवा पंचिंदिया णाणावरणिज्जस्स कम्मस्स किं बंधंति?, गो० ! जह० अंतोमुहुत्तं उक्को० तीसं सागरकोडाकोडीओ तिण्णि वाससहस्साइं अबाहा०, सण्णी णं भंते! पंचिंदिया णिद्दापंचगस्स किं बंधंति?, गो० ! जह० अंतो० उक्को० तीसं सागरोवमकोडाकोडीओ तिण्णि य वाससहस्साइं अबाहा०, दंसणचउक्कस्स जहा णाणावरणिजस्स, ॥ श्री प्रज्ञापनोपांगम् ॥
पू. सागरजी म. संशोधित
३०१
Acharya Shri Kailassagarsuri Gyanmandir
For Private And Personal Use Only
