________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
एतेणं अभिलावेणं असिं मणिं दुद्धं पाणं तेल्लं फाणियं वसं। १९७ । कंबलसाडे णं भंते! आवेदितपरिवेढिते समाणे जावतियं ओवासंतरं फुसित्ताणं चिट्ठति विरल्लिएवि समाणे तावइयं चेव उवासंतरे फुसित्ताणं चिट्ठति?, हंता गो०! कंबलसाडए णं आवेढियपरिवेढते समाणे जावतियं तं चेव, थूणा णं भंते! उड्ढ ऊसिया समाणी जावइयं खेत्तं ओगाहइत्ताणं चिट्ठति तिरियंपि अ णं आयता समाणी तावइयं चेव खेत्तं ओगाहमाइत्ताणं चिट्ठति तिरियंपिय णं आयता समाणी तावइयं चेव खेत्तं ओगाहित्ताणं चिट्ठति?, हंता गो० ! थूणा णं उडूढं ऊसिया तं चेव चिट्ठति, आगासथिग्गले णं भंते! किणा फुडे कइहिं वा काएहिं किं धम्मत्थिकाएणं | धम्मत्थिकायस्स देसेणं धम्मत्थिकायस्स पदेसेहिं फुडे एवं अधम्मत्थिकाएणं० आगासत्थिकाएणं० एएणं भेदेणं जाव पुढवीकाइएणं जाव तसकाइएणं अद्धासमएणं फुडे ?, गो० ! धम्मत्थिकाएणं नो धम्मत्थिकायस्स देसेणं धम्मत्थिकायस्स पदेसेहिं फुडे एवं अधम्मत्थिकाएणवि नो आगासत्थिकाएणं आगासत्थिकायस्स देसेणं आगा० पदेसेहिं जाव वणस्सइकाइएणं फुडे तसकाइएणं सिय फुडे सिय णो फुडे अद्धासमएणं देसे फुडे देसे णो फुडे, जंबुद्दीवे णं भंते! दीवे किणा फुडे कइहिं वा काएहिं फुडे किं धम्मत्थिकाएणं जाव आगासत्थिकाएणं फुडे ?, गो० ! णो धम्मत्थिकाएणं धम्मत्थिकायस्स देसेणं० पदेसेहिं फुडे एवं अधम्मत्थिकायस्सवि आगासत्थिकायस्सवि पुढवीकाइएणं जाव वणस्सइकाएणं फुडे तसकाइएणं सिय फुडे सिय णो फुडे अद्धासमएणं फुडे, एवं लवणसमुद्दे धायतिसंडे दीवे कालोए समुद्दे अब्भितरपुक्खद्धे, बाहिरपुक्खद्धे एवं चेव णवरं अद्धासमएणं
॥ श्री प्रज्ञापनोपांगम् ॥
१९३
पू. सागरजी म. संशोधित
For Private And Personal Use Only
