________________
Shri Mahavir Jain Aradhana Kendra
www.kobatirth.org
पासइ, घाणिदियस्स पुच्छा, गो० ! जह० अंगुल असंखेज्जतिभागो उक्को० णवहिं जोयणेहिंतो अच्छिण्णे गंधातिं अग्धाइ, एवं जिब्भिदियस्सवि फासिंदियस्सवि । १९५ । अणगारस्स णं भंते! भावियप्पणो मारणंतियसमुग्धाएणं समोहयस्स जे चरमा | णिज्जरापोग्गला सुहुमा णं ते पोग्गला पं० समणाउसो ! सव्वं लोगंपि य णं ते ओगाहित्ताणं चिट्ठति?, हंता गो० ! अणगारस्स भावियप्पणी मारणंतियसमुग्धाएणं समोहयस्स जे चरमा णिज्जरापोग्गला सुहुमा णं ते पोग्गला सव्वं लोगंपि य णं ते ओगाहित्ताणं चिट्ठति, छउमत्थे णं भंते! मणूसे तेसिं णिज्जरापोग्गलाणं किंचि आणत्तं वा नाणत्तं वा ओमत्तं वा तुच्छत्तं वा गरुयत्तं वा लहयत्तं वा जाणति पासति?, गो० ! णो इणट्टे समट्टे, से केणद्वेणं भंते! एवं वुच्चई छउ मत्थे णं मणूसे तेसिं णिज्जरापोग्गलाणं णो किंचि आणत्तं वा जाव लहुयत्तं वा जाणइ पास?? देवेऽवि य णं अत्थेगतिए जे णं तेसिं निज्जरापोग्गलाणं नो किंचि आणत्तं वा जाव लहुयत्तं वा जाणति पासति, से तेणट्टेणं गो० ! एवं वुच्चति छउमत्थे णं मणूसे तेसिं णिज्जरापोग्गलाणं नो किंचि आणत्तं वा जाव जाणति पासति, एवं सुहमा णं ते पोग्गला पं० समणाउसो ! सव्वलोगंपि य णं ते ओगाहित्ताणं चिट्ठति, नेरइया णं भंते! निज्जरापोग्गले किं जाणंति पासंति आहारेंति उदाहु न याणंति न पासंति आहारेंति ?, गो० ! नेरइया णिज्जरापोग्गले न जाणंति न पासंति आहारेंति, एवं जाव पंचिंदियतिरिक्खजोणियाणं, मणूसाणं भंते! ते निज्जरपोग्गले किं जाणंति पासंति आहारेंति उदाह न याणंति न पासंति आहारेंतिं ?, गो० ! अत्थेगतिया जाणंति पासंति आहारेंति अत्थेगतिया न याणंति न पासंति आहारेंति, से ॥ श्री प्रज्ञापनोपांगम् ॥
पू. सागरजी म. संशोधित
१९१
Acharya Shri Kailassagarsuri Gyanmandir
For Private And Personal Use Only
