________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
कतिपदेसोगाढे पं०?, गो०! असंखेजपएसोगाढे पं०, एतेसिं णं भंते! पुढवीकाइयाणं फासिंदियस्स ओगाहणट्टयाए पएसट्ठयाए ओगाहणयएसट्टयाए क्यरे०?, गो०! सव्वत्थोवे पुढवीकाइयाणं फासिंदिए ओगाहणट्ठयाते ते चेव पदेसट्ठयाते अणंतगुणे, पुढवीकाइयाणं भंते! फासिंदियस्स केवइया कक्खडगरुयगुणा पं०?, गो०! अणंता, एवं मउयलहुयगुणावि, एतेसिं णं भंते! पुढवीकाइयाणं फासिंदियस्स कक्खडगरुयगुणाणं मउयलहुयगुणाण य क्यो०?, गो०! सव्वत्थोवा पुढवीकाइयाणं फासिंदियस्स कक्खडगरुयगुणा तस्स चेव मउयलहयगुणा अणंतगुणा, एवं आउकाइयाणवि जाव वणप्फइकाइयाणं णवरं संठाणे इमो विसेसो दट्ठव्यो आउकाइयाणं थिबुगबिंदुसं० ५०, तेउकाइयाणं सूइकलावसं० पं०, वाउकाइयाणं पडागासं० पं०, वणफइकाइयाणं णाणासं० पं०, बेइंदियाणं भंते! कति इंदिया पं०?, गो०! दो इंदिया पं० २०-जिब्भिदिए य फासिदिए य, दोण्हपि इंदियाणं संठाणं बाहल्लं पोहत्तं पदेसं ओगाहणा य जहा ओहियाणं भणिता तहा भाणियव्वा, णवरं फासिदिए हुंडसंठाणसंठित पं० इमो विसेसो, एतेसिं णं भंते! बेइंदियाणं जिभिदियफासिंदियाणं ओगाहणट्ठयाते पदेसट्ठयाते ओगाहणपएसट्टयाए य कयरे०?, गो०! सव्वत्थोवे बेइंदियाणं जिभिदिए ओगाहणटुयाते फासिंदिए ओगाहण० असंखेज० पदेसट्टयाते सव्वत्थोवे बेइंदियाणं जिब्भिदिते पएस० फासिंदिए संखेज० ओगाहणपएसट्ठयाते सव्वत्थोवे बेइंदियस्स जिभिदिए ओगाहणट्ठयाते फासिदिए ओगाहण० असंखे० फासिंदियस्स ओगाहणढयातेहितो जिभिदिए पएसट्टयाते अणंत० फासिदिए पएसट्टयाए संखेजगुणे, बेइंदियाणं भंते! ॥ श्री प्रज्ञापनोपांगम् ॥
पू. सागरजी म. संशोधित
For Private And Personal Use Only
