________________
Shri Mahavir Jain Aradhana Kendra
www.kobatirth.org
Acharya Shri Kailashagarseri Gyanmandir
हयकण्णमणुस्साणं हयण्णदीवे णाम दीवे पं0 ?, गो० ! एगुरूयदीवस्स उत्तरपुरच्छिभिल्लातो चरिमंतातो लवणसमुदं चत्तारि जोयणसयाई ओगाहित्ता एत्य णं दाहिणिलाणं हयक्ण्णमणुस्साणं हयकण्णदीवे णाम दीवे पं० चत्तारि जोयणसयाई आयामविक्खंभेणं बारस जोयणसया पन्नही किंचिविसेसूणा परिक्खेवेणं, से णं एगाए पउमवरवेतियाए अवसेसं जहा एगुरूयाणं, कहिं गं भंते ! दाहिणिलाणं गजकण्णमणुस्साणं पुच्छा, गो० ! आभासियदीवस्स दाहिणपुरच्छिमिल्लातो चरिमंतातो लवणसमुदं चत्तारि जोयणसताई सेसं जहा हयकण्णाणं, एवं गोकण्णमणुस्सा पुच्छा, वेसाणितदीवस्स दाहिणपच्चथिमिल्लातो चरिमंतातो लवणसमुदं चत्तारि जोयणसताई सेसं जहा हयकण्णाणं, सकुलिकण्णाणं पुच्छा, गो० ! गंगोलियदीवस्स उत्तरपच्चथिमिल्लातो चरिमंतातो लवणसमुदं चत्तारि जोयणसताई सेसं जहा हयकण्णाणं, आतंसमुहाणं पुच्छा, हतकण्णयदीवस्स उत्तरपुरच्छिमिल्लातो चरिमंतातो पंच जोयणसताई ओगाहित्ता एत्थ णं दाहिणिलाणं आयंसमुहमणुस्साणं आयंसमुहदीवे णामं दीवे पं० पंच जोयणसयाई आयामविक्खंभेणं, आसमुहाईणं छ सया, आसकनाईणं सत्त, उक्कामुहाईणं अट्ठ, घणदंताईणं जाव नव जोयणसयाई. एगुरुयपरिक्खेवो नव चेव सयाई अषणपन्नाई । बारसपन्नहाई हथकण्णाईण परिखेवो ॥२५॥ आयंसमुहाईणं, पन्नरसेकासीए जोयणसते किंचिविसेसाधिए परिक्खेवेणं, एवं एतेणं कमेणं उवऊिण तव्वा चत्तारि २ एगपमाणा, णाणत्तं ओगाहे विक्खंभे परिक्खेवे, पढमबीतततियचउकाणं उगहो विक्खंभो परिक्खेवो भूणितो, चउत्थचउके छजोयणसयाई आयामविक्खंभेणं, ॥ श्री जीवाजीवाभिगम् ॥
८८
पू. सागरजी म. संशोधित
For Private And Personal
