________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
वा कुंभारागणीइ वा मुसागणी वा इट्टयागणी वा कवेल्लयागणी वा लोहारंवरिसेइ वा जंतवाडचुल्ली वा इंडियलित्थाणि वा सोडियलि० णलागणीति वा तिलागणी वा तुसागणीति वा तत्ताइं समज्जोतीभूयाइं फुल्लकिं सुयसमाणाई उक्कासहस्साइं विणिम्मुयमाणाइं जाला सहस्साइं पमुच्चमाणाई इंगालसहस्साइं पविक्खिरमाणाई अंतो २ हुहुयमाणाई चिट्ठति ताई पासइ ता ताई ओगाहइ त्ता से णं तत्थ उण्हंपि पविणेज्जा तण्हंपि पविणेज्जा खुर्हपि पविणेज्जा जरंपि पविणेज्जा दाहपि पविणेज्जा णिद्दाएज वा पयलाएज वा सतिं वा रतिं वा धि वा मतिं वा उवलभेज्जा, सीए सीयभूए संकसमाणे २ सायासोक्खबहुले यावि विहरेज्जा, भवे एयारूवे सिया?, णो इणट्टे समट्टे गो० ! उसिणवेदणिज्जेसु णरएसु नेरतिया एत्तो अणिइतरियं चेव० उसिणवेदणं पच्चणुभवमाणा विहरंति, सीयवेदणिज्जेसु णं भंते! णिरएस णेरतिया केरिसयं सीयवेदणं पच्चणुभवमाणा विहरंति ?, गो० ! से जहाणामए कम्मारदारए सिया तरुणे जुगवं बलवं जाव सिम्पोवगते एगं महं अयपिंडं दगवारसमाणं गहाय ताविय २ कोट्टिय २ जह० एक्काहं वा दुआहं वा तियाहं वा उक्को० मासं हणेज्जा से णं तं उसिणं उसिणभूतं अयोमएणं संदंसएणं गहाय असब्भावपट्टवणाए सीयवेदणिज्जेसु णरएस पक्खिवेज्जा सेतं उम्मिसियनिमिसियंतरेण पुणरवि पच्चुद्धरिस्सामीतिक पविरायमेव० पासेज्जा, तं चेव णं जाव णो चेव णं संचाएजा पुणरवि पच्चुद्धरित्तए से णं से जहाणामए मत्तमायंगे तहेव जाव सोक्खबहुले यावि विहरेज्जा एवामेव गो० ! असम्भावपट्टवणाए सीतवेदणेहिंतो णरएहिंतो नेरतिए उव्वट्टिए समाणे जाई इमाई इहं माणुस्सलोए हवंति तं० - हिमाणि वा हिमपुंजाणि वा हिमपडलाणि वा ॥ श्री जीवाजीवाभिगम् ॥
पू. सागरजी म. संशोधित
५९
For Private And Personal
