________________
Shri Mahavir Jain Aradhana Kendra
www.kobatirth.org
पुक्खरोदे णं भंते! समुद्दे केवतियं चक्कवालविकखंभेणं केवतियं परिक्खेवेणं पं० ?, गो० ! संखेज्जाई जोयणसयसहस्साइं चक्कवालविक्खंभेणं संखेज्जाई जोयणसयसहस्साइं परिक्खेवेणं पं०, पुक्खरोदस्स णं समुद्दस्स कति दारा पं०?, गो० ! चत्तारि दारा पं० तहेव सव्वं पुक्खरोदसमुद्दपुरत्थिमपेरते वरुणवरदीवपुर त्थिमद्धस्स पच्चत्थिमेणं एत्थ णं पुक्खरोदस्स विजए नामं दारे पं०, एवं सेसाणवि, दारंतरंभि संखेज्जाई जोयणस्यसहस्साइं अबाहाए अंतरे पं०, पदेसा जीवा य तहेव, से केणट्टेणं भंते! एवं वुच्चति पुक्खरोदे समुद्दे २१, गो० ! पुक्खरोदस्स णं समुद्दस्स उदगे अच्छे पत्थे जच्चे तणुए फलिहवण्णाभे पगतीए उदगरसेणं सिरिधरसिरिप्पभा य दो देवा जाव महिड्ढीया जाव पलिओवमद्वितीया परिवसंति, से एतेणट्टेणं जाव णिच्चे, पुक्खरोदे णं भंते! समुद्दे केवतिया चंदा पभासिंसु वा० ?, संखेजा चंदा पभासेंसु वा जाव तारागणकोडीकोडीउ सोभेंसु वा०, पुक्खरोदे णं समुद्दे वरुणवरेणं दीवेणं संपरि० वट्टे वलयांगारे जाव चिट्ठति, तहेव समचक्रवालसंठिते, केवतियं चक्कवालविक्खंभेणं केवइयं परिक्खेवेणं पं० ? गो० ! संखिजाई जोयणसहस्साइं चक्कवालविक्खंभेणं संखेज्जाई जोयणसतसहस्साइं परिकखेवेणं पं०, पउमवर वेदियावणसंडवण्णओ दारंतरं पदेसा जीवा तहेव सव्वं, से केणद्वेणं भंते! एवं वुच्चइ वरुणवरे दीवे २१, गो० ! वरुणवरे णं दीवे तत्थ २ देसे तर्हि २ बहुइओ खुड्डाखुड्डियाओ जाव बिलपंतियाओ अच्छाओ पत्तेयं २ परमवरवेइयापरि० वण० वारुणिवरोदगपडिहत्थाओ पासातीताओ०, तासु णं खुड्डाखुड्डियासु जाव बिलपंतियासु बहवे उप्पायपव्वता जाव खडहडगा
॥ श्री जीवाजीवाभिगम् ॥
पू. सागरजी म. संशोधित
१८७
Acharya Shri Kailashsagarsuri Gyanmandir
For Private And Personal
