________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmande
बाहिरियाहिं वेउब्वियाहिं परिसाहिं महयाहयनट्टगीतवादिततंतीतल तालतुडियधणमुइंगपडुप्पवादितरवेणं दिव्वाई भोगभोगाई भुंजमाणा महया उच्चट्ठिसीहणायबोलकलकलसहेणं विपुलाई भोगभोगाई भुंजमाणा अच्छपव्वपरायं पदाहिणावत्तमंडल्यारं मेरे अणुपरियडंति, तेसिंणं भंते! देवाणं इंदे चवति से कहमिंदाणिं पकरेंति?, गो०! ताहे चत्तारिपंच सामाणिया तं ठाणं उवसंपज्जित्ताणं विहरंति जाव तत्थ अने इंदे उववण्णे भवति, इंदट्ठाणे णं भंते! केवतियं कालं विरहिते उववातेणं?, गो०! जह० एवं समय उक्को० छम्मासा, बहिया णं भंते! मणुस्सखेत्तस्स जे चंदिमसूरियगहणक्खत्ततारारूवा ते णं भंते! देवा उड्ढोव० कप्पोव० विमाणोव० चारोव० चारद्वितीया गतिरतिया गतिसमावण्णगा?, गो०! ते णं देवा णो उड्ढोव० नो कथ्योव० विमाणोव० नो चारोव० चारद्वितीया नो गतिरतिया नो गतिसमावण्णा पक्किट्ठासंठाणसंठितेहिं जोयणसतसाहस्सिएहिं तावक्खेत्तेहि साहस्सियाहि य बाहिराहिं वेव्वियाहिं परिसाहिं महताहतणगीयवाइयरवेणं दिव्वाई भोगभोगाई भुंजमाणा सुहलेस्सा सीयलेस्सा मंदलेस्सा मंदायवलेस्सा चित्तंतरलेसागा कूडाइव ठाणहिता अण्णोण्णसमोगाढाहिं लेसाहिं ते पदेसे सव्वतो समंता ओभासेंति उज्जोवेति तवंति पभासेंति, जया णं भंते! तेसिं देवाणं इंदे चयति से कहमिदाणिं परेंति ?, गो०! जाव चत्तारिपंच सामाणिया तं ठाणं उवसंपजिताणं विहरंति जाव तत्थ अण्णे उववण्णे भवति, इंदट्ठाणे णं भंते! केवतियं कालं विरहओ उववातेणं०?, गो०! जह० एवं समयं उक्को० छम्मासा १८०। पुक्खरवरण्णं दीवं पुक्खरोदे णामं समुद्दे वट्टे वलयागारसंठाणसंठिते जाव संपरिक्खिवित्ताणं चिट्ठति, || श्री जीवाजीवाभिगम् ॥
| १८६
पू. सागरजी म. संशोधित
For Private And Personal
