________________
Shri Mahavir Jain Aradhana Kendra
www.kobatiran.org
Acharya Shri Kalashsagarsurl Gyanmandir
च सतसहस्साई छत्तीसं च सहस्साई सत्त चोदसोत्तरे जोयणसते परिक्खेवेणं मझे गिरिपरिरएणं एगा जोयणकोडी बायालीसं|| च सतसहस्साई चोतीसं च सहस्सा अट्ठतेवीसे जोयणसते परिक्खेवेणं उवरि गिरिपरिरएणं एगा जोयणकोडी बायालीसं च सयसहस्साई बत्तीसे नव य बत्तीसे जोयणसते परिक्खेवेणं मूले विच्छिन्ने मझे संखित्ते उप्पिं तणुए अंतो सण्हे मझे उदग्गे बाहिं दरिसणिज्जे ईसिं सण्णिसण्णे सीहणिसाई अवद्धजवरासिसंठाणसंठिते सव्वजंबूणयामए अच्छे सण्हे जाव पडिरूवे, उमओपासिं दोहिं एउमवरवेदियाहिं दोहि य वणसंडेहिं सव्वतो समंता संपरिक्खित्ते वण्णओ दोण्हवि, से केणटेणं भंते! एवं वुच्चति माणुसुत्तरे पव्वते २?, गो०! माणुसुत्तरस्स णं पव्वतस्स अंतो मणुया उप्पिं सुवण्णा बाहिं देवा अदुत्तरं च णं गो०! मणुसुत्तरपव्वतं मणुया ण कयाई वीतिवइंसु वा वीतिवयंति वा वीतिवइस्संति वा णण्णत्य चारणेहिं वा बिज्जाहरेहिं वा देवकम्मुणा वावि, से तेणद्वेणं गो०!, अदुत्तरं च णं जाव णिच्चेति, जावं च मं माणुसुत्तरे पव्वते तावं च णं अस्सिंलोएत्ति पवुच्चति जावं च णं वासातिं वा वासघरातिं वा तावं च णं अस्सिलोएत्ति पवुच्चति जावं च णं गेहाइ वा गेहावणाति वा तावं च णं अस्सिंलोएत्ति पवुच्चति जावं च णं गामाति वा जाव रायहाणीति वा तावं च णं अस्सिंलोएत्ति पवुच्चति जावं च णं अरहंता चक्कवट्टी बलदेवा वासुदेवा पडिवासुदेवा चारणा विजाहरा समणा समणीओ सावया सावियाओ मणुया पगतिभद्दगा विणीता तावंचणं अस्सिंलोएत्ति पवुच्चति जावं च णं समयाति वा आवलियाति वा आणापाणूति वा थोवाइ वा लवाइ वा मुहुत्ताइ वा दिवसाति वा अहोरत्ताति वा पक्खाति ॥ श्री जीवाजीवाभिगम् ॥
| १८४
पू. सागरजी म. संशोधित
For Private And Personal
