________________
Shri Mahavir Jain Aradhana Kendra
www.kobatirth.org
Acharya Shri Kailashsagarsun Gyanmandir
||कहिं णं भंते! जंबुद्दीवगाणं चंदाणं चंददीवा णामं दीवा पं०?, गो०! जंबुद्दीवे मंदरस्स पव्वयस्स पुरच्छिमेणं लवणसमुदं बारस जोयणसहस्साई ओगाहित्ता एत्थ णं जंबुद्दीवगाणं चंदाणं चंददीवा णामं दीवा पं०, जंबुद्दीवंतेणं अद्धकोणणई जोयणाईचत्तालीसं पंचाणउतिभागे जोयणस्स असिया जलंतातो लवणसमझतेणं दो कोसे ऊसिता जलंताओ बारस जोयणसहस्साई आयामविक्खंभेणं सेसं तं चेव जहा गोतमदीवस्स परिक्खेवो पउमवरवेइया पत्तेयं २ वणसंडपरि० दोण्हवि वण्णओ बहुसभरमणिज्जा भूभिभागा जाव जोइसिया देवा आसयंति०, तेसिं णं बहुसभरमणिजे भूमिभागे पासाथवडेंसगा बावष्टुिं जोयणाई बहुमज्झ० मणिपेढियाओ दो जोयणाई जाव सीहासणा सपरिवारा भाणियव्वा तहेव अट्ठो, गो०! बहूसु खुड्डाखुड्डियासु० बहुइं उप्पलाई चंदवण्णाभाई० चंदा एत्थ देवा महिड्ढीया जाव पलिओवमद्वितीया परिवसंति, ते णं तत्थ पत्तेयं २ चउण्हं सामाणियसाहस्सीणं जाव चंददीवाणं चंदाण य रायहाणीणं अनेसिं च बहूणं जोतिसियाणं देवाणं देवीण य आहेवच्चं जाव विहरंति, से तेणटेणं गो०! चंदद्दीवा जाव णिच्चा, कहिं णं भंते! जंबुद्दीवगाणं चंदाणं चंदाओ नाम रायहाणीओ पं०?, गो०! चंददीवाणं पुरथिमेणं तिरियं जाव अण्णमि जंबुद्दीवे बारस जोयणसहस्साई ओगाहित्ता तं चेव पमाणं जाव एमहिड्ढीया चंदा देवा, कहिं णं भंते! जंबुद्दीवगाणं सूराणं सूरदीवा णामं दीवा पं०?, गो०! जंबुद्दीवे मंदरस्स पव्वयस्स पच्चस्थिमेणं लवणसमुदं बारस जोयणसहस्साई ओगाहित्ता तं चेव उच्चत्तं आयामविक्खंभेणं परिक्खेवो वेदिया वणसंडा भूमिभागा जाव आसयंति०, पासायवडेंसगाणं तं चेव पमाणं मणिपेढिया सीहासणा ॥ श्री जीवाजीवाभिगम् ॥
| १६८
पू. सागरजी म. संशोधित
For Private And Personal
