________________
Shri Mahavir Jain Aradhana Kendra
www.kobatirth.org
चारं चरिंसु वा० दुण्णि सयसहस्सा सत्तट्ठि च सहस्सा नव सया तारागणको डाकोडीणं सोभं सोभिसु वा० (१५६ । कम्हा णं भंते! लवणसमु चाउद्दसमुद्दिट्ठपुण्णमासिणीसु अतिरेगं २ वड्ढति वा हायति वा?, गो० ! जंबुद्दीवस्स णं दीवस्स चउद्दिसिं बाहिरिल्लाओ वेइयंताओ लवणसमुहं पंचाणउतिं जोयणसहस्साइं ओगाहित्ता एत्थ णं चत्तारि महालिंजरसंठगणसंठिया महइमहालया महापायाला पं० तं० वलयामुहे केतूए जूवे ईसरे, ते णं महापाताला एगमेगं जोयणसयसहस्सं उव्वेहेणं मूले दस जोयणसहस्साई विक्खंभेणं मज्झे एगपदेसियाए सेढीए एगमेगं जोयणसतसहस्सं विक्खंभेणं उवरिं मुहमूले दस जोयणसहस्साइं विक्खंभेणं, तेसिं णं महापायालाणं कुड्डा सव्वत्थ समा दसजोयणसतबाहल्ला पं० सव्ववइरामया अच्छा जाव पडिरूवा, तत्थ णं बहवे जीवा योग्गला य अवक्कमंति विउक्कमंति चयंति उवचयंति सासया णं ते कुड्डा दव्वट्टयाए वण्णपज्जवेहिं० असासया, तत्थ णं चत्तारि देवा महिड्ढीया जाव पलिओवमद्वितीया परिवसंति, तं०-काले महाकाले वेलंबे पभंजणे, तेसिं णं महापायालाणं तओ तिभागा पं० तं०- हेट्ठिल्ले तिभागे मज्झिल्ले तिभागे उवरिमे तिभागे, ते णं तिभागा तेत्तीसं जोयणसहस्सा तिण्णि य तेत्तीसं जोयणसतं जोयणतिभागं च बाहल्लेणं, तत्थ णं जे से हेट्ठिल्ले तिभागे एत्थ णं वाउकाओ संचिट्ठति, तत्थ णं जे से मज्झिल्ले तिभागे एत्थ णं वाउकाए य आउकाए य संचिद्वति, तत्थ णं जे से उवरिल्ले तिभागे एत्थ णं आउकाए संचिट्ठति, अदुत्तरं च णं गो० ! लवणसमुद्दे तत्थ २ देसे बहवे खुड्डालिंजर संठाणसंठिया खुड्डपायालकलसा पं०, ते णं खुड्डा पाताला एगमेगं जोयणसहस्सं उव्वेहेणं ॥ श्री जीवाजीवाभिगम ॥
पू. सागरजी म. संशोधित
१६१
Acharya Shri Kailashsagarsuri Gyanmandir
For Private And Personal
