________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
गंदापुक्खरिणीओ पच्चुत्तरति ना जेणेव सभा सुधम्मा तेणेव पहारेत्थ गमणाए, तए णं से विजएं देवे चउहिं सामाणियसाहस्सी हिं जाव सोलसहिं आयरक्खदेवसाहस्सीहिं सव्विड्ढीए जाव निग्घोसनाइयरवेणं जेणेव सभा सुधम्मा तेणेव उवागच्छति ता सभ सुधम्मं पुरत्थिमिल्लेणं दारेणं अणुपविसति त्ता जेणेव मणिपेढिया तेणेव उवागच्छति ता सीहासणवरगते पुरच्छाभिमुहे सण्णिसण्णे (१४३ । तए णं तस्स विजयस्स चत्तारि सामाणियसाहस्सीओ अवरुत्तरेणं उत्तरेणं उत्तरपुरच्छिमेणं पत्तेयं २ पुव्वणत्थेसु भद्दासणेसु णिसीयंति, चत्तारि अग्गमहिसीओ पुरत्थिमेणं पत्तेयं०, तर गं० दाहिणपुरत्थिमेणं अब्भिंतरियाए परिसाए अट्ठ देवसाहस्सीओ पत्तेयं । | २ जाव णिसीयंति, एवं दक्खिणेणं मज्झिमियाए परिसाए दस देवसाहस्सीओ जाव णिसीदंति, दाहिणपच्चत्थिमेणं बाहिरियाए परिसाए बारस देवसाहस्सीओ पत्तेयं २ जाव णिसीदंति, पच्चत्थिमेणं सत्त अणियाहिवती पत्तेयं २ जाव णिसीयंति, तए गं० पुरत्थिमेणं दाहिणेणं पच्चत्थिमेणं उत्तरेणं सोलस आयरक्खदेवसाहस्सीओ पत्तेयं २ पुव्वत्थेसु भद्दासणेसु णिसीदंति, तं०-पुरत्थिमेणं चत्तारि साहस्सीओ जाव उत्तरेणं, ते णं आयरक्खा सन्नद्धबद्धवम्मियकवया उप्पीलियसरासणपट्टिया पिणद्धगेवेज्जविमलवर चिंधपट्टा गहियाउहपहरणा तिणयाई तिसंधीणि वइरामयाकोडीणि धणूइं अहिगिज्झ परियाइयकंडकलावा णीलपाणिणो पीय० रत्त० चाव० चारु० चम्म० खग्रा० दंड० पास० णीलपीयरत्तचावचारु चम्मखग्गदंडपासवरधरा आयरक्खा रक्खोवगा गुत्ता गुत्तपालिता जुत्ता जुत्तपालिता पत्तेयं २ समयतो विणयतो किंकर भूताविव चिट्ठति, विजयस्स णं भंते! देवस्स केवतियं कालं ठिती पं० ?, गो० ॥ श्री जीवाजीवाभिगम् ॥
१४६
पू. सागरजी म. संशोधित
For Private And Personal
