________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
पत्तेयं २ पहरणाई लोमहत्थएणं पमज्जति त्ता सरसेणं गोसीसचंदणेणं तहेव सव्वं, सेसंपि दक्खिणदारं आदिकाउं तहेव णेयव्वं । जाव पुरच्छिभिल्ला णंदापुक्खरिणी सव्वाणं सभाणं जहा सुधम्माए सभाए तहा अच्चणिया उववायसभाए णवरि देवसयणिज्जस्स अच्चणिया सेसासु सीहासणाण अच्चणिया हरयस्स जहा णंदाए पुक्खरिणीए अच्चणिया, ववसायसभाए पोत्थयरयणं लोम० दिव्वाए उदगधाराए सरसेणं गोसीसचंदणेणं अणुलिंपति अग्गेहिं वरेहिं गंधेहिं मल्लेहि य अच्चिणति ता सीहासणं लोमहत्थएणं पमज्जति जाव धूवं दलयति सेसं तं चेव, णंदाए जहा हरयस्स तहा, जेणेव बलिपीढं तेणेव उवागच्छति ता आभिओगिए देवे सद्दावेति ता एवं व०. खिप्पामेव भो देवाणुप्पिया ! विजयाए रायहाणीए सिंघाडगेसु य तिएसु य चउक्केसु य चच्चरेसु य चतुमुहेसु य महापहपहेसु य पासाएसु य पागारेसु य अट्टालएसु य चरियासु य दारेसु य गोपुरेसु य तोरणेसु य वावीसु य पुक्खरिणीसु य जाव बिलपंतियासु य आरामेसु य उज्जाणेसु य काणणेसु य वणेसु य वणसंडेसु य वणराईसु य अच्चणियं करेह करेत्ता ममेयमाणत्तियं खिप्पामेव पच्चपिणह, तए णं ते आभिओगिया देवा विजएणं देवेणं एवं वृत्ता समाणा जाव हट्टतुट्ठा विणणं पडिसुर्णेति ता विजयाए रायहाणीए सिंघाडगेसु य जाव अच्चणियं करेत्ता जेणेव विजएदेवे तेणेव उवागच्छंति ता एयमाणत्तियं पच्चपिणंति, नए णं से विजए देवे तेसिं आभिओगियाणं देवाणं अंतिए एयमहं सोच्चा णिसम्म हट्टतुट्ठचित्तमाणंदियजावह यहियए जेणेव णंदापुक्खरिणी तेणेव उवागच्छति ता पुरथिमिल्लेणं तोरणेणं जाव हत्थपायं पक्खालेति ता आयंते चोक्खे परमसुइभूए ॥ श्री जीवाजीवाभिगम् ॥
१४५
पू. सागरजी म. संशोधित
For Private And Personal
