________________
Shri Mahavir Jain Arachana Kendra
www.kobatiram.org
Acharya Shri Kailashsagarsun Gyanmandir
बहुसमरमणिज्जा भूमिभागा पं० उल्लोया० पउमभत्तिचित्ता भाणियव्वा, तेसिं णं पासायवडेंसगाणं बहुमझदेसभाए पत्तेयं २ सीहासणा वण्णावासो सपरिवारा, तेसिंणं पासायवडिंसगाणं उप्पिं बहवे अट्ठमंगलगा झया छत्तातिच्छत्ता, तत्थ णं चत्तारि देवा महिड्ढीया जाव पलिओवमद्वितीया परिविसंति तं०-असोए सत्तवण्णे चंपए चूते, तत्थ णं ते साणं साणं वणसंडाणं साणं २ पासायवडेंसयाणं साणं २ सामाणियाणं साणं २ अग्गमहिसीणं साणं २ परिसाणं साणं २ आयरक्खदेवाणं आहेवच्चं जाव विहरंति, विजयाए णं रायहाणीए अंतो बहुसमरमणिज्जे भूमिभागे पं० जावे पंचवण्णेहिं मणीहिं उवसोभिए तणसद्दविहूणे जाव देवा य देवीओ य आसयंति जाव विहरंति, तस्स णं बहुसमरमणिज्जरस्म भूमिभागस्स बहुमझदेसभाए एत्थे णंएगे महं ओवरियालेणे पं० बारस जोयणसयाई आयामविक्खंभेणं तिनि जोयणसहस्साई सत्त य पंचाणउते जोयणसते किंचिविसेसाहिए परिक्खेवेणं अद्धकोसं बाहल्लेणं सव्वजंबूणतामते अच्छे जाव पडिरूवे, से णं एगाए पउमवरवेइयाए एगेणं वणसंडेणं सव्वतो समंता संपरिक्खत्ते पउमवरवेतियाए वण्णओ वणसंडवण्णओ जाव विहरंति, से णं वणसंडे देसूणाई दो जोयणाई चकवालविक्खंभेणं ओवारियालयणसमे परिक्खेवेणं, तस्स णं ओवारियालयणस्स चउद्दिसिं चत्तारि तिसोवाणपडिरूवगा पं० वण्णओ तेसिं गं तिसोवाणपडिरूवगाणं पुरतो पत्तेयं २ तोरणा पं० छत्ताति०, तस्स णं उवारियालयणस्स उप्पिं बहसमरमणिजे भूमिभागे पं० जाव मणीहिं उक्सोभिते मणिवण्णओ गंधरसफासो, तस्स णं बहुसमरमणिजस्स भूमिभागस्स बहुमझदेसभाए एत्य णं एगे महं, ॥श्री जीवाजीवाभिगम् ॥
पू. सागरजी म. संशोधित
For Private And Personal
